ٺٽو ۽ ڀرپاسي مختلف حادثن ۾ نوجوان فوت، 3 زخمي

ٺٽو(شفيق ڀٽي) ٺٽو ۽ ان جي آسپاس مختلف حادثن ۾ ھڪ نوجوان فوت، 3 ڄڻا سخت زخمي، زخمي اسپتال منتقل، تفصيل موجب ٺٽو/ڪراچي قومي شاهراھ احمدآباد ٿهيم وٽ يوٽرن ڪراس ڪندڙ ٻن نوجوانن کي تيز رفتار ڪار ٽڪر ھڻي ڪڍيو، جنھن جي نتيجي ۾ هڪ نوجوان زوهيب ٿهيم موقعي تي فوت ٿي ويو.جڏهن ته نصرالله ٿهيم سخت زخمي ٿي پيو، فوتي جو لاش ۽ زخمي نوجوان کي رورل هيلٿ سينٽرگهارو پهچايو منتقل ڪيو ويو، جتان زخمي کي وڌيڪ علاج لاء ڪراچي منتقل ڪرڻ سميت فوتي نوجوان جو لاش وارثن حوالي ڪري ڇڏيو، لاش گهر پهچڻ تي گھر ۾ ڪهرام مچي ويو. ٻئي طرف گهارو لڳ ٻاٻڙا روڊ تي موٽر سائيڪل سوارن کي هڪ Revo گاڏي زوردار ٽڪر ھڻي ڇڏيو، جنھن جي نتيجي ۾ ور شھر جا رھواسي موٽر سائيڪل سوار 2 پنهون چانڊيو ۽ خانو چانڊيو سخت زخمي ٿي پيا، جن کي پڻ رورل هيلٿ سينٽر گھارو منتقل ڪيو ويو آھي، جتي سندن علاج جاري آھي.