مورو ۾ ڳوٺ سردار خان لنڊ واسڻ عورت جو معصوم ٻارڙن سميت احتجاج

مورو(جاني جماڻي) مورو ويجھو ڳوٺ سردار خان لنڊ جي رهواسڻ ٻن ٻارن جي ماءُ مسمات شھزادي معصوم ٻارڙن ماءُ سان گڏجي مورو پريس ڪلب پھچي مڙس پاران بنا ڪنھن جواز جي مارڪٽ ڪري طلاق ڏئي گھران ڪڍي ڇڏڻ واري عمل خلاف احتجاجي مظاهرو ڪيو جتي ھن اکين مان لڙڪ لاڙي صحافين کي ٻڌايو تہ منھنجي مائٽن جي رضامنديءَ سان دلشاد لنڊ سان شادي ڪرايل ھئي جنھن مان نياڻي ۽ پٽ جو اولاد آھي منھنجو مڙس مون مٿان مسلسل ظلم ڪندو پيو اچي ۽ روزاني مارڪٽ ڪندو رھندو ھو ۽ تشدد جو نشانو بڻائي موکي گھران ڪڍي ڇڏيو جنھن بعد ۾ مون پنھنجي ٻئي ويجھي عزيز راشد لنڊ سان شادي ڪئي جنھن تي منھنجي اڳوڻي مڙس مونکي معصوم نياڻي والدين کي نقصان پھچائڻ جون ڌمڪيون ڏنيون ۽ بليڪ ميل ڪري منھنجي راشد لنڊ کان زبردستيءَ طلاق ڪرائي وري ٻيھر مونسان نڪاح ڪيو ڪجھ وقت بعد ٻيھر مون مٿان تشدد ڪري مونکي گھران ڪڍي ڇڏيو آھي ۽ منھنجي ھڪ نياڻي کي کڻي ويو آھي مان ھن وقت پنھنجي والدين کي گھر رھان ٿي جتي منھنجي مڙس دلشاد لنڊ مونکي طلاق نامو موڪليو آھي جيڪو مون سان ظلم زيادتي ڪري رھيو آھي ھڪ پاسي منھنجو زندگي تباھ ڪري ڇڏي آھي ۽ ڪنھن پاسي جو ناھي ڇڏيو تہ مٿان وري طلاق نامون موڪلي ڇڏيو آھي مونسان معصوم ٻار آھن اھي ڪنھن جي سھاري ڇڏيان انھن جي زندگي جو گذر سفر ڪٿان آڻينديس مونسان وڏو ظلم ڪيو ويو آھي مونکي انصاف ڏنو وڃي ٻي صورت پنھنجي معصوم ٻارڙن سميت پاڻ کي باھ ڏئي خودڪشيءَ ڪنديس جنھن جو ذميوار منھنجو مڙس دلشاد لنڊ ۽ سندس گھر ڀاتي ھوندا ھن وس وارن کان مطالبو ڪيو تہ مذڪورا ماڻھن خلاف قانوني ڪارروائي ڪري انصاف فراهم ڪيو وڃي.