پ پ سدائين درواڙن قبيلن جي حقن کي تسليم ڪندي نمائندگي ڏني آهي: ڪملا ڀيل

ڀيل برادري جا جيڪي به مسئلا آهن انهن کي حل ڪرائڻ لاءِ سموريون ڪوششون ورتيون وينديون

مٺي (رپورٽر) پيپلزپارٽي سدائين درواڙن قبيلن جي حقن کي تسليم ڪندي نمائندگي ڏني آي ۽ اعليٰ ايوانن تائين پهچايو آھي ٿر جي ڀيل برادري جي سمورن مسئلن کي حل ڪرائڻ جي ڪوشش ڪئي ويندي اهڙن خيالن جو اظهار ضلعي ڪائونسل ٿرپارڪر جي وائس چيئرپرسن ڪملا ڀيل ، وڪيل مهيش ڀيل، ڊاڪٽر هرجي ڀيل، وڪيل موهن ڀيل، گجو گلشن، ڀورالال سنڌي ۽ ٻين مٺي ۾ پهلاج ڀيل پاران ڀيل برادري جي رکيل تقريب ۾ خطاب ڪندي ڪيو. هنن چيو ته ڀيل برادري جا جيڪي به مسئلا آهن انهن کي حل ڪرائڻ لاءِ سموريون ڪوششون ورتيون وينديون ۽ يونين ڪائونسل ليول تائين ماڻھن کان مسئلا معلوم ڪيا ويندا اسان سمورا متحد هونداسين تڏهن ئي پنهنجا حق حاصل ڪري سگهون ٿا. انهي موقعي تي پرڀولال ڀيل ، حاڪم سوناڻي ، ڊاڪٽر گلجي اوجھل، پهلاج ڀيل ، ڀيرولال ڀيل ، ڊاڪٽر ڀيمراج واگهيلو ، راجا رگهجي ڀيل ۽ ٻين شرڪت ڪئي.