شڪارپور ۾ شھيد اعجاز احمد ڪاڪيپوٽو جي ياد ۾ تعزيتي ميڙاڪو

شڪارپور ( احسان ابڙو ) شڪارپور بچايو تحريڪ پاران شھيد اعجاز احمد ڪاڪيپوٽو جي ياد ۾ پريس ڪلب شڪارپور ۾ تعزيتي ميڙاڪو منعقد ڪيو ويو، جنھن ۾ سياسي، سماجي، مذھبي اڳواڻن، وڪيلن، صحافين، قومپرستن، سول سوسائٽي جي اڳواڻن، شھيد جي وارثن، ۽ شھرين وڏي انگ ۾ شرڪت ڪئي, ميڙاڪي کي خطاب ڪندي چيئرمين شڪارپور بچايو تحريڪ مولانا مسعود احمد قادري، اڳوڻو چيئرمين قاري مجيب الرحمان مدني، اڳوڻو چيئرمين الاھي بخش شيخ، اڳوڻو چيئرمين استاد عبدالوھاب ڪاغذي، مولانا مشتاق احمد سھندڙو، ڪامريڊ احسان جيھو ۽ ٻين چيو ته شھيد اعجاز ڪاڪيپوٽو 14 سالن کان شھر جي جدوجھد جو حصو ھو، ھن جو ناحق قتل ناقابل برداشت آھي. ھنن ايس ايس پي شڪارپور شاھزيب چاچڙ تي زور ڀريو ته قاتلن کي جلد گرفتار ڪيو وڃي، ٻي صورت ۾ احتجاجي تحريڪ شروع ڪئي ويندي.شھيد جي نياڻي نور جھان ڪاڪيپوٽو چيو ته 9 ڏينھن گذرڻ باوجود قاتل آزاد آھن، پوليس صرف دلاسا ڏئي رھي آھي، پر اسانکي يقين آھي ته انصاف ضرور ملندو. جماعت اسلامي: عبدالسميع ڀٽي، ايڊوڪيٽ علي اصغر پھوڙ, جيئي سنڌ محاذ: اسدالله سومرو، عمران علي منگي ،پيرا ميڊيڪل اڳواڻ: بشير احمد لاشاري، شمس الحق ابڙو، سوشل اينڊ لٽري: سيد نسيم شاھ بخاري، پرويز احمد جيھو ابڙو پريس ڪلب: نائب صدر رشيد احمد ڄامڙو پاران ميڙاڪي کي خطاب ڪيو ويو ڊي ايس پي سٽي پارس بکراڻي خطاب ڪندي چيو ته قاتلن جي گرفتاري ويجھي آھي، جلد انصاف فراهم ڪيو ويندو.ميڙاڪي ۾ صاحبزاده حافظ فضل الله نوراني، افضل حسين مغل، ڏاڏو طاھر سومرو، عبدالغفور دايو، راشد علي لاشاري، حاجي عبدالفتاح مھر ، غلام علي گل ميمڻ ، رفيق احمد دايو افتخار احمد آرائين، شھيد جا فرزند اياز ۽ امتياز ڪاڪيپوٽو ۽ ٻين شرڪت ڪئي. آخر ۾ شھيد جي مغفرت لاءِ دعا گھري وئي.