ٺٽي واسي دانشور ۽ سماجي ڪارڪن محمد علي مانجهي کان ڦر

دانشور، اديب ۽ سماجي ڪارڪن محمد علي مانجهي جو موبائل فون ڦر

ٺٽو (ڊر) ٺٽي ضلعي سان تعلق رکندڙ سنڌ جي دانشور اديب ۽ سماجي ڪارڪن محمد علي مانجهي کان نامعلوم چور موبائل فون ڦري فرار ٿي ويا. حيدرآباد جي علمدار چوڪ وٽ نامعلوم هٿياربندن سنڌ جي دانشور، اديب ۽ سماجي ڪارڪن محمد علي مانجهي جو موبائل فون ڦر ڪري فرار ٿي ويا. مڪلي جو رهواسي محمد علي مانجهي اڄ حيدرآباد جي علمدار چوڪ ڀرسان واڪ ڪري رهيو هو ته موٽرسائيڪل سوار نامعلوم چور جيڪي ھٿيارن سان ليس هئا. ھٿيارن جي زور تي سندس موبائل فون ڦري فائرنگ ڪندا فرار ٿي ويا. محمد علي مانجهيءَ جي فرياد تي حيدرآباد ٿاڻي تي اين سي داخل ڪئي وئي آهي سنڌ جي مختلف سياسي، سماجي ۽ مذهبي پارٽين جي دانشورن، اديبن، صحافين آءِ جي سنڌ، ڊي آءِ جي حيدرآباد ۽ ايس ايس پي حيدرآباد کان مطالبو ڪيو آهي ته واقعي جو فورن نوٽيس ورتو وڃي.