ڄامشورو جي جوڙي پسند جو پرڻو ڪري ڇڏيو، تحفظ جي گهر

پنهنجي مرضي سان شادي ڪئي آهي، مائٽن مان خطرو آهي: ناري آمنا کوسو

ٺٽو(ڊر) ڄامشورو ضلعي جو پريمي جوڙو نڪاح ڪرڻ بعد نقصان جي ڊپ کان ٺٽي پھچي تحفظ جي اپيل ڪري ڇڏي اھي، ان سلسلي ۾ ضلعي ڄامشورو جي ڳوٺ ساک کوسو جي رھواسي پريمي جوڙي مسمات آمنہ ڌيء نور محمد کوسو پنھنجي ٻئي مڙس عبدالوحيد ولد مشتاق خان کوسو سان گڏ ٺٽي پھچي صحافين اڳيان دانھيندي مسمات آمنہ کوسو چيو تہ سندس پھريان 4 سال اڳ بلاول ولد علي بخش کوسو سان شادي ٿي ھئي، جيڪو کيس بلاجواز تشدد ڪندو ھو، جنھن کان طلاق وٺي عبدالوحيد کوسو سان 18 سيپٽمبر تي بدين ۾ نڪاح ڪيو اھي، جنھن سان آء خوش آھيان، پر ھاڻي منھنجا مائٽ، اڳوڻو مڙس ۽ ان جا مائٽ جن ۾ شبير کوسو، بھارو کوسو، علي محمد، ڀاء صدام کوسو، اڳوڻو مڙس بلاول، سھرو علي بخش کوسو ۽ بيا جان جا دشمن بڻجي اسانکي نقصان پھچائڻ چاھين ٿا، جنھن ڪري دربدري واري زندگي گذارڻ تي مجبور بڻيل آھيون، ھن چيو تہ کيس ڪنھن بہ ورغلايو يا اغوا ناھي ڪيو، بلڪہ ھن پنھنجي مرضي سان شريعت محمدي موجب عبدالوحيد کوسو سان حق نڪاح ڪيو اھي، جنھن سان آء خوش زندگي پئي گذاريان، ھن وس وارن کي اپيل ڪئي تہ کين تحفظ مھيا ڪري کين نقصان جون ڌمڪيون ڏيندڙن خلاف ڪاروائي ڪئي وڃي، ھن چيو تہ کين جيڪڏھن ڪوبہ نقصان پھتو تہ ان جا زميوارہ مذڪورہ ڌمڪيون ڏيندڙ ماڻھون رھندا.