جنگشاھي ويجھو ڪي فور منصوبي جي ڪم دوران مٽي جي ڀڪ ڪرڻ سبب 3 پورھيت دٻجي ويا

جنگشاھي ويجھو ڪي فور منصوبي جي ڪم دوران مٽي جي ڀڪ ڪرڻ سبب 3 پورھيت دٻجي ويا

ٺٽو ( شفيق ڀٽي) جنگشاھي لڳ ساڏورو ڀرسان ڪي فور منصوبي ۾ ھلندڙ ترقياتي ڪم دوران 3 مزدور پائيپ ھيٺيان دٻجي ويا جن مزدورن ۾ سعيد رحمان پنجاپي تعلقي کوسڪي ِضلع بدين ٻيو فوتي نالي يعقوب ولد خانزاد پٺاڻ ضلع ڪشمور ۽ عمران جاکرو جنگشاھي ڪي فور وڏي کوٽائي ٿيل کناٽي ۾ لوھ جي پائپ کي ويلڊينگ ڪري رھيا ھئا. ھڪ پاسي ڀت جي ديوار اچانڪ پورھيت جي مٿان مٽي جي ڀت ڊھي ڪِري پئي، ڪچي مٽي ھئڻ ڪري وڏي مشنري يا ڪرين نہ وڃي سگھيون اڌ ڪلاڪ تائين ڪمپني وارا ريسڪيو نہ ڪري سگھيا جنھن ڪري ٽيئي پورھيت ڌبجي ويا، جن کي مقامي ملازمن ھٿن بيلچن سان وڏين ڪوششن سان بعد زخمي حالت ۾ ريسڪيو ڪري ڪڍي کين رورل ھيلٿ سنٽر جنگشاھي کڻي آيا. رورل ھيلٿ سينٽر ۾ آڪسجن ۽ دوائون ٻئي سھولتون نہ ھئڻ ڪري ڪي فور انتظاميہ پنھنجن گاڏين ۾ زخمين کي سول اسپتال مڪلي پهچايو، جتي ٻن پورھيتن سيد رحمان پنجاپي ۽ يعقوب پٺاڻ دم ڏيئي ڇڏيو، جڏھن تہ هڪ زخمي عمران جاکرو جي حالت ڳڻتي جوڳي آھي، جنھن کي اسپتال ۾ داخل ڪيو ويو اھي. ڪي فور جي فوت ٿيل پورھيتن جي لاشن کي پنھنجي اباڻي ڳوٺ موڪليو ويو.