ملير جي موئيدان ڪنڊ جهنگ ۾ پاڻي جي سخت کوٽ، ڳوٺاڻا احتجاج ڪندا گهرن کان ٻاهر نڪري آيا

ملير (رپورٽ: عبدالرشيد مورجھريو) گڏاپ ٽائون جي ڏورانهن علائقن موئيدان، ڪنڊ جهنگ، واڻ ڪنڊ، کار، شم سميت مختلف ڳوٺن ۾ پيئڻ جي پاڻي سميت بنيادي سهولتن جي کوٽ تي رهواسين ۾ سخت پريشاني ۽ مبتلا ڪري ڇڏيو آهي ڳوٺاڻن گهرن مان نڪري احتجاج ڪندي ڌرڻو هنيو ۽ چيو ته ڪراچي ميٽروپوليٽن ڪارپوريشن ۽ گڏاپ ٽائون ميونسپل انتظاميا طرفان ڊگهي عرصي کان پيئڻ جي پاڻي جي فراهمي جو ڪو مستقل حل نه ڪڍيو ويو آهي جنهن سبب روزاني زندگي سخت متاثر ٿي رهي آهي ڳوٺاڻن الزام هنيو آهي ته چونڊيل نمائندا، جن ۾ قومي اسيمبلي ميمبر سردار ڄام عبدالڪريم جوکيو، صوبائي اسيمبلي ميمبر يوسف بلوچ، ٽائون چيئرمين طارق بلوچ، وائيس چيئرمين ڄام محمد ۽ يو سي چيئرمين مبارڪ گبول شامل آهن، پنهنجن تڪن جي انهن علائقن ڏانهن توجهه نه ڏئي رهيا آهن مقامي ماڻهن جو وڌيڪ چوڻ آهي ته شهري علائقن ۾ ته فوڪل پرسن مقرر ٿيل آهن، پر هنن پٺتي پيل علائقن لاءِ ڪو به نمائندو يا فوڪل شخص مقرر نه ڪيو ويو آهي جنهن سبب مسئلا وڌيڪ وڌي رهيا آهن ڳوٺاڻن جو اهو به چوڻ آهي ته علائقي ۾ نه اسپتالن ۾ مناسب سهولتون موجود آهن، نه اسڪول فعال آهن ۽ نه ئي روڊ رستا بهتر حالت ۾ آهن جڏهن ته هاڻي پاڻي جو بحران انتهائي سنگين صورت اختيار ڪري چڪو آهي عوام مطالبو ڪيو آهي ته فوري طور تي پاڻي جي فراهمي جو مستقل حل ڪڍي بنيادي سهولتن جي بهتري لاءِ هنگامي قدم کنيا وڃن، ٻي صورت ۾ احتجاج جو دائرو وڌائڻ جو به امڪان ظاهر ڪيو ويو آهي