دھاٻیجی میں آئل فیکٹری میں لگنے والی آگ پر قابو پالیا گیا

ٹھٹھه (شفیق بھٹی) – اولڈ دھاٻیجی میں واقع الحمد جنت آئل فیکٹری میں لگنے والی آگ پر مکمل طور پر قابو پالیا گیا ہے۔ اسسٹنٹ کمشنر میرپور ساڪرو نبی بخش سولنگی نے بتایا کہ ڈپٹی کمشنر ٹھٹھو سرمد علی بھاڳت کی ہدایات پر تمام متعلقہ اداروں کی بروقت اور مشترکہ کوششوں کے نتیجے میں فیکٹری میں لگنے والی آگ مکمل طور پر بجھادی گئی ہے۔ انہوں نے بتایا کہ فائر بریگیڈ، ایف ڈبلیو او، پولیس اور ریسکیو 1122 کی ٹیموں نے پیشہ ورانہ مہارت کا مظاہرہ کرتے ہوئے مؤثر کارروائی کی، جس کے سبب آگ کے مزید پھیلنے سے روکا گیا۔ انہوں نے اطمینان کا اظہار کرتے ہوئے کہا کہ واقعے میں کوئی جانی نقصان نہیں ہوا ہے جبکہ مالی نقصان بھی محدود رہا ہے۔ اس موقع پر فیکٹری کے مالک علی رؤف نے ضلعی انتظامیہ، ریسکیو ٹیموں اور مقامی لوگوں کا شکریہ ادا کرتے ہوئے کہا کہ وہ ضلعی انتظامیہ اور تمام ریسکیو اداروں کے بروقت اقدامات کے دل کی گہرائیوں سے شکر گزار ہیں، جن کی بدولت فیکٹری کو بڑے نقصان سے بچایا گیا۔ انہوں نے کہا کہ انہوں نے اپنی زندگی میں کبھی نہیں دیکھا کہ اتنی بڑی آگ پر اتنی کم وقت میں قابو پایا جائے اور نقصان بھی کم سے کم ہو۔ انہوں نے مزید کہا کہ ضلعی انتظامیہ اور ریسکیو اداروں کی یہ مثال قابلِ ستائش ہے، جس نے ایک بڑے سانحے کو ٹال دیا۔