نوشهروفيروز ۾ ڳوٺاڻي جو سئوٽن خلاف احتجاجي مظاهرو

نوشهروفيروز (ڊ ر) نوشهروفيروز ۾ ڳوٺ دائم سولنگي جي رهواسي ڳوٺاڻي غلام نبي سولنگي جو سئوٽن جي ظلمن خلاف پريس ڪلب ۾ پهچي ميڊيا اڳيان دانهيندي چيو آهي ته پنج ڏينهن اڳ مان پنهنجي باغ ۾ ڪم ڪري رهيو هيس ته سئوٽ وارث سولنگي، وزير ۽ شمن خان سولنگي پنج نامعلوم هٿياربند وٺي آيا جن حملو ڪيو جيڪي اڳ ئي اسان جي زمين تي قبضو ڪيو ويٺا آهن هن چيو ته 2024 ۾ اسان زمين خريد ڪئي جيڪا اسانجي پيءُ جي نالي تي داخلا رکيل آهي جنهن ۾ جوابدارن جا گهر ٺهيل هجڻ ڪري فيصلو ٿيو هو اسان کي يا ته زمين جو معاوضو ڏيندا يا وري زمين مٽائي ڏيندا جيڪي هاڻي ٽائيم اچڻ ڦري ويا ۽ حملو به ڪيو ويو آهي جڏهن ته زمين تان قبضو ختم ڪرڻ بجاءِ ڪوڙا ڪيس داخل ڪري رهيا آهن هن آءِ جي سنڌ ،ڊي آءِ جي شهيد بينظير آباد، ايس ايس پي نوشھروفيروز سميت ٻين وس وارن کي اپيل ڪئي آهي ته معاملي جي جاچ ڪري زمين تان قبضو ختم ڪرائي انصاف ڪيو وڃي