مڪلي تي وڏي ڀاءُ جي فائرنگ ۾ ننڍو ڀاءُ مارجي ويو، جوابدار فرار

حيدر ميمڻ جي فائرنگ ۾ نجم ميمڻ زخمي ٿيڻ بعد ڪراچي جي اسپتال ۾ دم ڏئي ڇڏيو

ٺٽو( شفيق ڀٽي) مڪلي تي وڏي ڀاء حيدر ميمڻ وحشي بڻجي نوجوان سندس ڀاء نجم ميمڻ کي پسٽل جا سڌا فائر ڪري قتل ڪري ڇڏيو، جوابدار موقعي تان فرار، خبر موجب ٺٽي ضلعي جي ھيڊ ڪوارٽر مڪلي تي وڏي ڀا حيدر ميمڻ معمولي ڳالھ تان گھر ۾ پسٽل جا سڌا فائر ڪري کيس سخت زخمي ڪري ڇڏيو، جنهن کي ڳڻتي جوڳي حالت ۾ ڪراچي اماڻيو ويو کيس جسم جي مختلف حصن ۾ 7 گوليون لڳيون ھيون،جتي زخمن جا سور نہ سھندي ھو فوت ٿي ويو،افسوس جو مقام آهي تازو 2 هفتا اڳ سندن والده وفات ڪري ويئي هئي،مقتول نجم ميمڻ کي ٻن معصوم ٻارڙن جو اولاد آهي، ھو اصل سجاول ضلعي جي ٻيلو شهر جا رهواسي آهن ڪافي عرصي کان مڪلي تي رهائش پذير آهن چيو وڃي ٿو ته حيدر ميمڻ حيدرآباد کان آيل هو جيڪو پنهنجي خاندان سميت حيدرآباد ۾ رهندڙ آهي . ڀاء سان ڪچهري ڪندي اوچتو پسٽل ڪڍي کيس سڌا فائر ڪرڻ شروع ڪيا تڪرار جو اصل ڪارڻ معلوم نه ٿي سگهيو آهي