نوشهروفيروز ۾ بيواهه عورت جو معذور پٽ سميت احتجاج

هڪ ايڪڙ 11ويسا زمين تي هاري قبضو ڪري ورتو آهي: رشيده وسطڙو

نوشهروفيروز (ڊ ر) نوشهروفيروز جي سنڌ ڪالوني واسي بيوه عورت رشيده وسطڙو پنهنجي معذور پٽ محمد دين سان پريس ڪلب پهچي ميڊيا اڳيان دانهيندي چيو آهي ته سٺ ميل تعلقي دوڙ ۾ منهنجي مڙس جي 2 ايڪڙ يارنهن ويسا زرعي زمين آهي جنهن مان هڪ ايڪڙ ۽ يارنهن ويسا زمين تي اسان جي هاري خان محمد چانڊيو ڪوڙيون ايگريمينٽون ٺهرائي قبضو ڪري ورتو آهي جڏهن ته هڪ ايڪڙ تي نوابشاهه ڪورٽ ۾ ڪيس هلي رهيو آهي هن چيو ته اسسٽنٽ ڪمشنر دوڙ قبضو خالي ڪرڻ جو حڪم پڻ ڏنو آهي پر ان جي باوجود قبضو خالي نه ٿو ڪيو وڃي مڙس انور علي فوت ٿي ويو ان کان پوءِ زمين تي معذور پٽ سان وڃان ٿي ته قبضو ڪندڙ خان محمد چانڊيو اچڻ نه ٿو ڏئي غريب بيوهه آهيان ڪمشنر شهيد بينظير آباد ۽ ٻيا وس وارن کي اپيل آهي ته معاملي جي جاچ ڪري زمين تان قبضو ختم ڪرايو وڃي