ڪوهستان واسي سماجي اڳواڻن پاران حفيظ بلوچ تي مبينا حملي جي مذمت

کيرٿر نيشنل پارڪ جي زمينن تي والار خلاف هاءِ ڪورٽ ۾ پٽيشن داخل ڪرائيندڙ حفيظ بلوچ تي حملي جي مذمت ڪريون ٿا: ڊاڪٽر لکمير پالاري

ٺٽو( شفيق ڀٽي)ڪوھستان جي سماجي اڳواڻ ڪي ڊي ايف جي چيئرمين ڊاڪٽر لکمير خان پالاري ۽ سماجي اڳواڻ حاجي محمد حسين پالاري پنھنجي جاري ڪيل پريس بيان ۾ ڪوهستان کير ٿر نيشنل پارڪ جي زمينن تي ٿيندڙ والار، وڻن جي واڍي ۽ ريتي بجري چوري ٿيڻ خلاف سنڌ ھائي ڪورٽ ۾ پٽيشن داخل ڪرائيندڙ سماجي اڳواڻ حفيظ بلوچ مٿان ٿيل قاتلاڻي حملي جي سخت لفظن ۾ مذمت ڪندي چيو اھي تہ اھو ٿيل قاتلاڻو حملو هڪ سوچيل سمجهيل سازش آھي. پر پوليس هميشه جيان ونگاري ڪردار ادا ڪندي ڪيس داخل نٿي ڪري جنهن جي جيتري بہ مذمت ڪجي اھا گھٽ اھي، ھنن مطالبو ڪيو تہ فورن ٿاڻو بولا خان پوليس بنا دير حملي جو ڪيس داخل ڪري حملي آورن کي گرفتار ڪري سماجي اڳواڻ حفيّظ بلوچ کي تحفظ مھيا ڪيو وڃي، ڊاڪٽر لکمير خان پالاري ۽ حاجي حسين پالاري وڌيڪ چيو تہ اھڙا واقعا ھٿ وٺي ڪرائي امن امان جي صورتحال کي خراب ڪرڻ جي ڪوشش ڪئي پئي وڃي، جنھن کي روڪڻ جي سخت ضرورت اھي، ھنن چيو تہ ڪوھستاني پٽي جي عوام پرامن آھي، جن کي ھر دور ۾ بنيادي سھوليتن ۾ نظرانداز ڪري ٽئين شھري جيترو بہ درجو نٿو ڏنو وڃي، نوري آباد سميت ڪوھستاني پٽي ۾ صنعتي ادارن سميت وڏي تعداد ۾ ملڪي توڙي غير ملڪي ڪمپنيون قائم ڪيون ويون آھن، پر ڪوھستاني پٽي جي پڙھيل مقامي نوجوانن کي روزگار بہ نٿو مھيا ڪيو وڃي، جنھن ڪري ڏينھون ڏينھن بيروزگاري ۾ اضافو ٿيندو پيو وڃي، مٿان وري ھر مھيني 2 دفعا تيل جون قيمتون وڌائي عوام مٿان مھنگائي جو بم وسايو پيو وڃي، جنھن ڪري غريب پورھيت طبقو ھاڻي ھڪ ويلو ماني ڳڀي لاء سخت پريشاني آھي، ھنن گھر ڪئي تہ فورن مھنگائي تي ڪنٽرول ڪري ڪوھستاني پٽي ۾ وڻن جي ٿيندڙ نسل ڪشي کي ختم ڪرائي مقامي ماڻھن کي نوري اباد جي صنعتي ادارن توڙي ونڊ پاور ڪمپنين ۾ روزگار مھيا ڪري سندن ڳوٺ پڪا ڪري کين تعليم، صحت، روزگار، روڊ، رستي، بجلي سميت سموريون بنيادي سھولتون مھيا ڪري امن امان جي صورتحال بھتر ڪري ڪوھستان واسين کي جيئڻ جو حق ڏنو وڃي.