مورو ويجهو ڪڻڪ جا 28 لک رهتون گهرڻ تان جهيڙو، 2 زخمي

مورو(جاني جماڻي) مورو ويجھو ڳوٺ سردار خان لنڊ ۾ ڪڻڪ جا پئسا گھر ڪرڻ تي جھيڙو ٻہ ڄڻا الھڏتو لنڊ ۽ محمد نواز لنڊ زخمي ٿي پيا جن کي مورو اسپتال آندو ويو جتي ڊاڪٽرن پاران طبي امداد ڏني وئي بعد ۾ زخمي الھڏتو لنڊ ٻين سان گڏ مورو پريس ڪلب پھچي احتجاج ڪيو جتي ھن ٻڌايو ته مون کان سيٺ يار محمد لنڊ ساڍا چار سئو ٻوري ڪڻڪ کي خريد ڪئي ھئي جنھن جا 28 لک رپيا ٿين پيا جيڪي گھر ڪرڻ تي مڇرجي پيو ۽ ان جي پٽن ھلان ڪري اسان کي ڌڪ ھنيا آھن جن چيو تہ توھان پئسا گھر ڪندو تہ توھان کي ماري ڇڏينداسون اسان اھڙي رپورٽ مورو ٿاڻي تي داخل ڪرائي آھي پر ھو بااثر ھجڻ ڪري آزاد آھن جيڪي اڃا ڌمڪيون ڏئي رھيا آھن، ھن چيو ته ٻه مھينا اڳ منھنجي پٽ صداقت لنڊ کان موٽرسائيڪل ڦر ڪري گوليون ھڻي زخمي ڪيو ويو ھو جيڪي مسلسل سنگين نتيجا ڀوڳڻ جون ڌمڪيون ڏئي رهيا آهن اسان جي جانين کي سيٺ يار محمد لنڊ، وسيم لنڊ، سليم لنڊ ۽ سندس ساٿ ڏيندڙن مان خطرو آھي ڇاڪاڻ تہ ھو ھر وقت گھر اڳيان نامعلوم ھٿيارن سان ماڻھون ويھاري ويٺا آھن ھن گھرو وزير، آء جي سنڌ، ڊي آء جي شھيد بينظير آباد، ايس ايس پي نوشهروفيروز، ڊي ايس پي مورو، ايس ايڇ او مورو سميت وس وارن کان مطالبو ڪيو تہ مذڪورا معاملي جو نوٽيس وٺي انصاف تحفظ فراهم ڪيو وڃي ٻي صورت ٿيندڙ ھر نقصان جا ذميوار مذڪورا ماڻھون ھوندا.