ڊپٽي ڪمشنر آفيس شڪارپور ۾ ڊسٽرڪٽ ريڊينيس جي گڏجاڻي

شڪارپور ( احسان ابڙو )ڊپٽي ڪمشنر آفيس شڪارپور ۾ ڊسٽرڪٽ ريڊينيس جي گڏجاڻي ڊپٽي ڪمشنر شڪارپور شڪيل ابڙو پاران عوام کي گذارش ڪئي آھي ته پنهنجي ٻارن کي پاپندي سان پوليو کان بچاءُ جا قطرا پياري ٻارن کي موذي مرض کان بچائن، تفصيل موجب ڊپٽي ڪمشنر آفيس شڪارپور ۾ ريڊينيس جي گڏجاڻي ٿي گذري۔ گڏجاڻي جي صدارت ڊپٽي ڪمشنر شڪارپور شڪيل احمد ابڙو ڪئي۔ ان موقعي تي پوليو جي فوڪل پرسن ڊاڪٽر امتياز حسين ميتلو بريفنگ ڏيندي ٻڌايو ته اسانجي ضلعي شڪارپور ۾ 49 يوسيون، يوسي ايم اوز، آئوٽ ريچ ٽيمون، اسڪلڊ پرسن، ٽيم اسسٽنس ۽ سوشل موبلائيزرس ۽ ٻيا ڪم ڪري رهيا آھن۔ هن وڌيڪ چيو ته هن ويڪسين لاءِ اسان کي فيميل جي ضرورت پوندي جيڪا گهر گهر وڃي ٻارن کي ڪور ڪري سگهن۔ هن چيو ته گرمي تمام وڌيڪ آهي جنهن ڪري اسسٽنٽ ڪمشنرن کي گذارش ڪئي وڃي ته ڪول چين ۾ ويڪسينيشن لاءِ برف جو انتظام ڪري ڏين ته جيئن ويڪسين جو ٽيمپريچر مينٽين ٿي سگهي. ھن چيو ته جن کي اسين ٽريننگ ڪرايون ٿا ۽ آخري ڏينهن تي اهي ڪوئي سبب ٻڌائي ڊيوٽي ڪرڻ کان انڪار ڪن ٿا. انهن تي به ڪو ايڪشن کنيو وڃي. گڏجاڻي سان ڊپٽي ڪمشنر شڪارپور ڳالهائيندي چيو ته 26 مئي کان 1 جون 2025 تائين شروع ٿيندڙ مهم ۾ ضلعي جي شھرين، ٻھراڙين توڙي ڳوٺن ۾ رهندڙ عوام کي گذارش آھي ته هو پنهنجي ٻارن کي 100 پرسنٽ پوليو کان بچاءُ جي ويڪسين جا ڦڙا پياري ٻارن کي پوليو کان ٿيندڙ بيمارين کان بچائن ته جيئن ٻارڙا مختلف بيمارين کان بچي سگهن۔ ڊپٽي ڪمشنر شڪارپور شڪيل احمد ابڙو چيو ته هاڻي اسان سڀ ملي ڪري ڪمپئين کي ڪامياب ڪنداسين ۽ جيڪڏهن ڪو پوليو ويڪسين کان انڪاري ٿيو ته ان جي مٿان سخت ايڪشن کنيو ويندو. ھن چيو ته ضلعي اندر پي پي ايڇ آئي ۽ پوليس جي ڪارڪردگي تمام بھتر رهي آهي ۽ ائين ئي ڪارڪردگي رهي ته اسان جي ڪمپئين ڪامياب ٿيندي. ھن لوڪل گورنمينٽ جي اي ڊي ايل سان ڳالھائيندي چيو ته يوسي سيڪريٽرين کي سختي سان ھدايت ڪيو ته ھو سٺي نموني ڪم ڪن. ان موقعي تي اسسٽنٽ ڪمشنر خانپور چيو ته اڳ به عظمت پھوڙ ڳوٺ ۾ جيڪو مسئلو پيش آيو ان کي به ھاڻي سٺي طريقي سان حل ڪيو ويندو. ھن ويڪسين ڪندڙ ٽيمن لاءِ چيو ته رفيوزل ٻار جيڪي رهجي وڃن ٿا انهن کي به اهي ٽيمون ڪور ڪن۔ هن چيو ته جيڪڏهن ٽيمن کي ڪو به مسئلو درپيش اچي ته هو پنهنجي تعلقي جي فوڪل پرسن انچارج کي شيئر ڪن. ان موقعي تي لکي تعلقي جي اسسٽنٽ ڪمشنر چيو ته يوسي طيب ۾ ليڊي ھيلٿ ورڪر ـ سونو جتوئي ۽ شاھو لٻاڻو جي مسئلن کي فوري حل ڪيو وڃي. هن چيو ته شھر اندر ويڪسين لاءِ ته فيميل ٿي وينديون پر ڳوٺن اندر اتان جي سوشل ورڪرن کي پابند ڪنداسين ڊسٽرڪٽ فوڪل پرسن ڊاڪٽر پرويز احمد سومرو چيو ته يوسين ۾ اسٽاف جي ڪوتاهي برداشت نه ڪنداسين۔ هن چيو ته ھي پوليو مھم 26 مئي کان 1 جون تائين جاري آھي. ان موقعي تي ڊپٽي ڪمشنر ـ اسسٽنٽ ڪمشنرز، ڊي ايڇ او ۽ ڊاڪٽرن جون ٽيمون ٻھراڙين، ڳوٺن ۽ شھرن ۾ ويڪسين ڪندڙ ٽيمن جي نگراني ڪنديون ۽ جيڪڏهن ان دوران ڪنهن به ڊيوٽي ۾ غفلت ڪئي ته ان جي خلاف قانوني قدم کنيو ويندو۔ ان موقعي تي ڊي آءِ بي انچارج شاهجهان شاهه چيو ته ٽيمن سان گڏ هر ڪمپئين ۾ سڪيورٽي گڏ هوندي آھي ۽ ڪاٿي ٽيمن کي وڌيڪ سڪيورٽي جي ضرورت هوندي آ ته اتي وڌيڪ به سڪيورٽي ڏيندا آھيون۔ ان موقعي تي ڊپٽي ڪمشنر شڪارپور شڪيل احمد ابڙو پوليو ٽيمن ۾ سٺي ڪارڪردگيء تي ڪم ڪندڙن کي سرٽيفڪيٽ پڻ ڏنا گڏجاڻي ۾ چئني تعلقن جي اسسٽنٽ ڪمشنرن، پوليس، پي پي ايڇ آءِ ، پاپوليشن، اي پي آءِ ، ڊبليو ايڇ او ۽ ٻين ضلعي جي آفيسرن پڻ شرڪت ڪئي۔