ملير ۾ ڊينگي ۽ مليريا جي مريضن ۾ اضافو, سرڪاري اسپتالن جي کوٽ سبب مريض سخت پريشان

ملير ضلعي ۾ گندگي سبب مليريا ۽ ڊينگي جا ڪيس وڌي ويا آهن: شهري

ملير (رپورٽ: عبدالرشيد مورجھريو) ملير ضلعي جي مختلف ڳوٺن ۾ ڏينگي ۽ مليريا جهڙن وبائي بيمارين ۾ تيزي سان واڌارو ٿي ويو آهي خاص طور تي ابر رزاق آباد، غريب آباد، ڌڻي پرتو ڳوٺ، لاشاري ڳوٺ، موسي ڳوٺ ۾ ٻارڙا ۽ نوجوان وڏي تعداد ۾ متاثر ٿي بستري ڀيڙا ٿي ويا آهن۔ علائقي ۾ سرڪاري اسپتالن ۽ بنيادي صحت مرڪزن جي کوٽ سبب غريب ڳوٺاڻا علاج لاءِ خانگي ۽ عطائي ڊاڪٽرن جي ور چڙهي ويا آهن، جنهن سبب ڪيترن ئي مريضن جي حالت ڳڻتي جوڳي ٻڌائي پئي وڃي اطلاعن موجب ملير جي ابراهيم حيدري ريڙهي مياڻ، جمع ڳوٺ گڏاپ، ميمڻ ڳوٺ، درساڻو ڇنو، پپري گلشن حديد شرافی ڳوٺ، ۽ ڀرپاسي جي علائقن ۾ ڏينگي ۽ مليريا جا ڪيس وڌي ويا آهن۔ ڪيترائي اسڪول جا شاگرد به بخار ۽ ڪمزوري سبب پڙهائي کان محروم ٿي ويا آهن۔ علائقي واسين جو چوڻ آهي ته ٽائون انتظاميا مڪمل طور بي حس بڻيل آهي نه ڪنهن اسپري ڪرائڻ جو بندوبست ڪيو ويو آهي ۽ نه ئي صفائي جو ڪم باقاعدي ٿي رهيو آهي ڳوٺاڻن موجب گهڻن علائقن ۾ نالن ۽ گٽرن جو پاڻي گهٽين ۾ بيٺل آهي، جنهن مان بدبوءِ ۽ مڇرن جو راڄ قائم آهي۔ مڇرن جي وڌندڙ پيداوار ئي ڏينگي ۽ مليريا جو وڏو سبب بڻجي رهي آهي۔ ٻارن ۽ عورتن ۾ بخار، سر درد، ۽ الٽي جهڙا علامتون عام ٿي ويون آهن ڳوٺاڻن ٻڌايو ته ڪيترائي غريب ماڻهو دوائن ۽ ٽيسٽن جا خرچ برداشت ڪرڻ جي سگهه نه ٿارکن