ڏوڪري ڀرسان ڄاڃين سان حادثي دوران فوت ٿيل ٽن ٻارڙن ۽ عورت جي سوين آلين اکين سان تدفين

10ورهين جي بسما، 14ورهين جي عبدالله، 12ورهين جي ماجد ڪيريو ۽ 50 ورهين جي زرينا چنو جي جنازي نماز بعد تدفين

ڏوڪري (اطهر ميمڻ) ڏوڪري ڀرسان هڪ ڏينهن اڳ ڳوٺ ڍنڍ ٻاهران ٽريڪٽر ڊرائيور جي لاپرواهي ۽ غفلت سبب ڄاڃين سان پيش آيل خوفناڪ حادثي ۾ هڪ عورت سميت 3 ٻارڙن جي ڳوٺ ڍنڍ ۾ جنازي نماز پڙهي وئي. جنازي نماز ۾ وڏي انگ ۾ ڀرپاسي جي ڳوٺاڻن سياسي سماجي ماڻهن ۽ ايئرپورٽ ٿاڻي جو ايس ايڇ او لياقت علي کجڙ شرڪت ڪئي.بعد ۾ کين سوين آلين اکين سان مٽي ماء حوالي ڪيو ويو.ڄاڃين جي کاهي ۾ ڪلٽي ٿيل ٽريڪٽر ٽرالي ۾ 50 سالن جي زرينا زال مرحوم انور چنو. 10سالن جي بسما 14 سالن جو عبدالله ڪيريو ۽ نصيرآباد جي ڳوٺ مُڏا ڏيرا جي رهواسي 12 سالن جو ماجد ڪيريو شامل آهن.هوڏانهن حادثو ڪندڙ ٽريڪٽر ڊرائيور موقعي تان فرار ٿي ويو هو جيڪو اڃان تائين هٿ نہ آيو آهي.ڳوٺاڻن حادثي جو ذميوار ٽريڪٽر ڊرائيور کي قرار ڏنو آهي.ان موقعي تي پ پ تعلقي صدر منير سوهو،غلام محمد ڏيرو،اياز جت،وقار سومرو،جي اطهر ميمڻ ذيشان ميمڻ ،مجيب الرحمان ڏھر،خان محمد مشوري،قلندر بخش سوهو،نور محمد سرگاڻي ۽ ٻين شرڪت ڪئي.