ملير ۾ پ پ شهيد ڀٽو جي سڏ تي تڪراري ڪئنال خلاف احتجاجي ريلي ۽ مظاهرو

268 views | 30th Dec 2024 • سنڌي خبرون

ڪامريڊ سليم راجپوت منور علي سولنگي روشن چانڊيو اصغر چانڊيو ۽ ٻين جي اڳواڻي ۾ احتجاج ڪيو ويو

ملير ۾ پ پ شهيد ڀٽو جي سڏ تي تڪراري ڪئنال خلاف احتجاجي ريلي ۽ مظاهرو

ملير (درياخان شر ) پاڪستان پيپلز پارٽي شھيد ڀٽو مرڪز جي سڏ تي سنڌو ڌرياھ تي ڌاڙو ھڻي 6 ڪينال ڪڍڻ خلاف پ پ شھيد ڀٽو ضلعي ڪورنگي پاران احتجاجي مظاھرو ڪيو ويو جنھن ۾ پ پ شھيد ڀٽو ڪراچي ڊويزن جي چيف آرگنائيزر ڪامريڊ سليم راجپوت منور علي سولنگي روشن چانڊيو اصغر چانڊيو گلاب لاشاري واسع چانڊيو روشن عمراڻي لطيف ٽويو فقير عابد امجد جتوئي رميز آگروآفتاب سولنگي اويس جلباڻي نويد چانڊيو ۽ ٻين پاران شرڪت ڪئي ويئي انھي موقعي تي ڳالھائيندي اڳواڻن چيو ته سنڌو دريا اسان جي جياپي ۽ وجود جو حصو آھي جنھن مان 6ڪئنال ڪڍي سنڌو کي سڪائڻ جي سازش ڪئي پئي وڃي جنھن کي پ پ شھيد ڀٽو جا ڪارڪن ڪنھن به صورت ۾ ڪامياب ٿيڻ نه ڏيندا ھنن وڌيڪ چيو ته جلد جونيئر ذوالفقار علي ڀٽو پنھنجي شھيد بابا مير مرتضي ڀٽو جي نقش قدم تي ھلندي ملڪ جي مظلوم عوام سان گڏجي انھن ملڪ دشمن عناصرن جن سنڌ جي زمينن وسيلن درياھن کي پنھنجي مفادن خاطر مفاھمت جي نالي نيلام ڪري شھيد ذوالفقار علي ڀٽي جي نالي اقتدار ۾ اچي ڌاڙا ھنيا آھن جلد انھن مان ملڪ جي مظلوم عوام کي ڇوٽڪارو ڏياري ملڪ جي مظلوم عوام کي نجات ڏياريندو ۔