ميهڙ (رپورٽر) ايس ايس پي (ر) ڪيپٽن امير سعود مگسي صحافين سان ڳالهائيندي چيو آهي ته ميهڙ جو امن امان هٿ وٺي هڪ سازش تحت خراب ڪيو ويو هو امن امان جي بحالي اسان جي اولين ترجيح آهي امن امان جي صورتحال کي خراب ڪندڙن کي ڪنهن به صورت ۾ معاف نه ڪيو ويندو. ميهڙ ۾ بدامني تي ضابطو آندو ويو آهي هن چيو ته امن امان جي بحالي لاءِ پوليس تحريڪ ۾ آهي منشيات جوا جي اڏن تي پوليس ڇاپا هڻي رهي آهي ڪيترائي منشيات فروش گرفتار ڪيا ويا آهن جن تي ڪيس داخل ڪري کين جيل اماڻيو ويو آهي هن چيو ته ڪنهن به پوليس اهلڪار جي غفلت برداشت نه ڪبي انهن خلاف سخت ڪارروائي ڪئي ويندي هن چيو ته ميهڙ ۾ ڪئمپ قائم ڪري جو مقصد امن امان جي بحالي سان عوام سان رابطي ۾ سندن مسئلا حل ڪرڻ آهي هن چيو ته ڪافي عرصي کان ميهڙ ۾ ڪئمپ قائم ڪرڻ جو فيصلو ڪيو هو هن چيو ته ڪنهن جي به دٻاءُ يا بليڪ ميلنگ ۾ پوليس نه ايندي جلد ڏوهارين پاٿاريدارن جو خاتمو پوليس آڻيندي ۽ سندن سھولتڪارن کي عوام آڏو وائکو ڪيو ويندو هن چيو ته بي امني جي نالي تي سياست ڪرڻ نه ڏبي هن وقت امن امان قائم آهي منشيات جي اڏن تي ڪنٽرول ڪيو ويو آهي
0 تبصرے