ڏهرڪي ۾ کينجهو پوليس جي زيادتين خلاف پيرسن عورت جو احتجاجي مظاهرو

منهنجي ڌيءَ جي شادي مرتضيٰ شر سان ٿيل آهي، جيڪو مٿس تشدد ڪندو هو: ارباب خاتون شر

ڏهرڪي (رپورٽر) ڏهرڪي ۾ کينجهو پوليس جي زيادتين خلا پيرسن عورت جو تازي ڄاول معصوم ٻارڙي کي کڻي احتجاج ايس ايس پي گهوٽڪي ۽ اعلي اختيارين کان انصاف جو مطالبو خبر موجب ڏهرڪي ويجهو ڳوٺ گلاب چوڪ واسي پيرسن عورت مائي ارباب خاتون شر پنهنجي نياڻي صحاباڻي کي تازي ڄاول معصوم ٻارڙي کي کڻي ميڊيا وٽ پهچي برادري جي بااثرن ۽ کينجهو پوليس جي زيادتين خلاف احتجاج ڪيو ان موقعي تي دانهيندي مائي ارباب شر چيو ته منهنجي نياڻي صحاباڻي جنهن جي مرتضي شر سان شادي ٿيل آهي جيڪا اميدواري هئڻ سبب هن کي بنا جواز سندس مڙس مرتضي مارڪٽ ڪندي گهران ڪڍي ڇڏيو جيڪا مون وٽ گهر ترسڻ بعد ٻه ڏينهن هن جي ڊليوري ٿي ته هن کي نياڻي جو اولاد پيدا ٿيو ته گذريل ڏينهن مرتضي شر پنهنجي ڀائرن ڪيڪن۔منتاجو ۽ ٻين سان گڏجي اسان جي گهر تي ڪاه ڪري منهنجي نياڻي صحاباڻي کي مارڪٽ ڪندي چيو ته توکي پٽ جو اولاد ٿيو آهي جنهن کي توهان گم ڪري منهنجو ٻار بدلايو آهي جنهن بعد اسان تازي ڄاول ٻارڙي کي اغو ڪري کيس ماري ڇڏينداسون ته اسان جي دانهن تي پاڙي وارن جي گڏ ٿيڻ تي هو فرار ٿي کينجهو پوليس سان ملي پاڻ کي ڪجهه ڌڪ هڻي الٽو منهنجي پٽن مٿان حملو ڪري کيس زخمي ڪرڻ جو ڪوڙو ڪيس داخل ڪرايو آهي جڏهن کينجهو پوليس اسان جو ڪيس وٺڻ لاء تيار نه آهي هن ايس ايس پي گهوٽڪي ۽ اعلي کان مطالبو ڪيو ته کينجهو پوليس جي زيادتين جو نوٽس وٺي اسان کي انصاف فراهم ڪيو وڃي