ملير: گلشنِ حديد ڀرسان لنڪ روڊ تي ٻن ٽرالرن ۾ خوفناڪ ٽڪر، هڪ ڊرائيور فوت

11 views | 16th Jul 2026 • سنڌي خبرون

ٽول پلازا وٽ ٻن ٽرالرن ۾ خوفناڪ ٽڪر ٿيڻ جي نتيجي ۾ ھڪ ڊرائيور 25 ورهين جو محمد آصف فوت

ملير: گلشنِ حديد ڀرسان لنڪ روڊ تي ٻن ٽرالرن ۾ خوفناڪ ٽڪر، هڪ ڊرائيور فوت

ملير (رپورٽ: عبدالرشيد مورجھريو) گلشنِ حديد ڀرسان لنڪ روڊ ٽول پلازا وٽ ٻن ٽرالرن ۾ خوفناڪ ٽڪر ٿيڻ جي نتيجي ۾ هڪ ڊرائيور فوت ٿي ويو. حادثي جي اطلاع ملندي ئي پوليس ۽ امدادي ٽيمون واقعي واري هنڌ پهچي ويون ۽ ضروري ڪارروائي مڪمل ڪئي پوليس موجب فوتي جي سڃاڻپ 25 ورهين جي محمد آصف ولد نذير احمد طور ٿي آهي. فوتي جو لاش قانوني ڪارروائي لاءِ اسپتال منتقل ڪيو ويو، جتان ضروري ضابطا مڪمل ٿيڻ کان پوءِ وارثن حوالي ڪيو ويندو شروعاتي ڄاڻ موجب ٻنهي ٽرالرن جي پاڻ ۾ ٽڪرائجڻ سبب حادثو پيش آيو، جنهن جي نتيجي ۾ محمد آصف سخت زخمي ٿي موقعي تي ئي فوت ٿي ويو. حادثي کان پوءِ لنڪ روڊ تي ٽريفڪ جي رواني پڻ متاثر ٿي، جڏهن ته پوليس ٽريفڪ بحال ڪرائڻ لاءِ قدم کنيا. پوليس واقعي جي وڌيڪ جاچ شروع ڪري ڇڏي آهي ۽ حادثي جي اصل سببن بابت شاهديون گڏ ڪيون پيون وڃن. ابتدائي طور تي تيز رفتاري ۽ لاپرواهي کي حادثي جو امڪاني سبب قرار ڏنو پيو وڃي.