ھڱورجا ۾ جسقم بشير قريشي پاران سنڌ جي ٻرندڙ مسئلن جي حل لاءِ پيادل مارچ ۽ ڌرڻو

مجيب ڀيلار جي قيادت ۾ ملھيراڻي سولنگي اسٽاپ کان شاھ جي مشين تائين پيادل امن مارچ ريل ڪڍي ڌرڻو ھنيو ويو

ھڱورجا(رپورٽر )جسقم بشيرخان قريشي پاران سنڌ ۾ منشيات.ڪاروڪاري. تعليمي ادارن ۾ شاگردياڻين جي ھراسمينٽ. جي خاتمي بدامني . بيروزگاري. ڌاري. آبادڪاري. سنڌو دريا جي پاڻي ڌاڙي ۽ سنڌ زمين جي والار جي خلاف سوين جسقم ڪارڪنن سميت مختلف سياسي سماجي ڪارڪنن جو جسقم جي مرڪزي اڳواڻ مجيب ڀيلار جي قيادت ۾ ملھيراڻي سولنگي اسٽاپ کان شاھ جي مشين تائين پيادل امن مارچ ريل ڪڍي قومي شاھراھ تي ڌرڻو ھنيو ويو . بدامني ۽ منشيات جي خلاف 20 مئي تي سوڀوديرو ۾ احتجاج مارچ ۽ ڌرڻي جو اعلان ڪيو ويو تفصيل موجب جسقم بشيرخان قريشي پاران سنڌ ۾ منشيات جي ڪاروبار. ڪاروڪاري جي ڪڌي رسم. بدامني. سنڌ ۾ ڌارين جي آبادڪاري . شاگردياڻين کي ھراسمينٽ ڪرڻ. سنڌو درياء مٿان ڪينال ڪڍڻ خلاف جسقم جي مرڪزي اڳواڻ مجيب ڀيلار اڪبر مڪول.ڪرم سامٽيو .زاھد شنباڻي . ايڊووڪيٽ سجاد سولنگي . قلب عباس حيدري. ساجد منڱريو. جي اڳواڻي ۾ ملھيراڻي سولنگي اسٽاپ کان شاھ جي مشين تائين احتجاجي پيادل امن مارچ ڪري قومي شاھراھ تي ڌرڻو ھنيو ويو. احتجاجي ڌرڻي کي خطاب ڪندي اڳواڻن چيو آھي سنڌ ۾ منشيات جو ڪاروبار سبب نوجوان نسل تباھ ٿي رھيو آھي پوليس انتظاميه توڙي سنڌ حڪومت منشيات جي ڪاروبار جي خاتمي لاء سنجيدھ نظر ن ٿي اچي منشيات جي خاتمي لاء اسان جو احتجاج جاري رھندو سنڌ ۾ ڪاروڪاري جي ڪڌي رسم سبب ڪيتريون ئي نياڻيون بيگناھ قتل ڪيون ويون آھي اھا رسم سنڌ جي ناھي رھي انھي ڪڌي رسم جي خاتمي لاء اسان کي اڳتي اچبو پوندو . ھنن چيو ت سنڌو درياء تي پنجاب پاران غيرقانوني ڪينال ادب سنڌ سڪائڻ جي سازش آھي جيڪا برداشت ن ڪنداسون . ھنن وڌيڪ چيو ت بدامني بيروزگاري سبب سنڌ جا ماڻھو سخت پريشان آھن سنڌ معدني وسيلن سان مالا مال ھجڻ باوجود سنڌ جا نوجوان بيروزگاري سبب خودڪشيون ڪرڻ تي مجبور آھن ھنن چيو ت جسقم ڪنھن ب ريت سنڌ جي ماڻھن کي اڪيلو نہ ڇڏيندي . ھنن اعلان ڪيو ت 20 مئي تي سوڀوديرو ۾ منشيات جي خاتمي ۽ بدامني جي خلاف تاريخي احتجاجي پيادل مارچ ڪيو ويندو.