ڊي سي ٺٽو سرمد علي ڀاڳت پاران ڊي سي آفيس جي برانچن جو دورو
ٺٽو( شفيق ڀٽي)ڊپٽي ڪمشنر ٺٽو سرمد علي ڀاڳت ڊي سي آفيس جي مختلف برانچن جو دورو ڪري اتي هلندڙ ڪم جو تفصيلي جائزو ورتو۔ دوري دوران ڊپٽي ڪمشنر عشر ۽ زڪوات آفيس پڻ پهتو، جتي هن ضلع ٺٽو جي چئيرمين عشر زڪوات مولوي عبدالڪريم شورو سان ملاقات ڪئي۔ ملاقات دوران مولوي عبدالڪريم شورو ڊپٽي ڪمشنر کي پنهنجي آفيس ۾ ايندڙ ماڻهن جي مسئلن، سهولتن جي کوٽ ۽ ٻين انتظامي معاملن بابت تفصيلي بريفنگ ڏني۔ ڊپٽي ڪمشنر سرمد علي ڀاڳت مسئلن جي حل لاءِ لاڳاپيل عملي کي ضروري هدايتون جاري ڪيون ۽ عوام کي بهتر سهولتون فراهم ڪرڻ تي زور ڏنو۔