پاکستان انجینئرنگ کونسل نے عالمی پاکستانی انجینئرنگ کمیونٹی کو جوڑنے کے لیے برین گین پورٹل کا آغاز کردیا

اسلام آباد: پاکستان انجینئرنگ کونسل (پی ای سی) نے برین گین پورٹل کا آغاز کردیا ہے۔ یہ ایک ڈیجیٹل پلیٹ فارم ہے جو دنیا بھر میں موجود تجربہ کار پاکستانی اور بیرون ملک مقیم پاکستانی انجینئرنگ کمیونٹی کو جوڑنے کے لیے تیار کیا گیا ہے۔ پورٹل کا افتتاح پی ای سی ہیڈکوارٹرز اسلام آباد میں کیا گیا، جس کے مہمان خصوصی سیکریٹری وزارت سائنس و ٹیکنالوجی انجینئر شبیر اقبال بلوچ تھے جبکہ پی ای سی چیئرمین انجینئر وسیم نے مشترکہ طور پر پورٹل کا افتتاح کیا۔ فرانس میں پاکستان کی سفیر محترمہ ممتاز زہرہ بلوچ نے تقریب میں بطور مہمان اعزاز شرکت کی، جبکہ سرکاری حکام فرانس، نیوزی لینڈ، متحدہ عرب امارات، کویت، آسٹریلیا، کینیڈا اور سعودی عرب میں پاکستانی سفارتی مشنز کے نمائندوں، صنعت کے نمائندوں، اکیڈمیشن سینٹرز، ٹیکنالوجی پارکس، اسٹارٹ اپس اور مختلف ممالک سے برین گین ایمبیسیڈرز نے شرکت کی۔ یہ پورٹل ملک مقیم پاکستانی انجینئرز اور بیرون ملک پاکستانی انجینئرز کو ایک پلیٹ فارم پر اکٹھا کرنے اور ملک پاکستان اور بیرون ملک پاکستانی انجینئرز کے درمیان تکنیکی، تحقیقی اور پیشہ ورانہ روابط کو فروغ دینے کے لیے تیار کیا گیا ہے۔ پورٹل انجینئرنگ کے شعبے میں صنعت، انجینئرنگ معیارات اور ایکریڈیٹیشن کے شعبوں میں خصوصی معاونت فراہم کرنے کے قابل بنائے گا۔ پورٹل دنیاوی تجربہ، مہارت، رہنمائی اور پیشہ ورانہ روابط فراہم کرنے کے لیے بطور کنٹری کنٹریبیوٹرز رجسٹر ہونے کی سہولت فراہم کرتا ہے۔ پاکستانی انجینئرز، سائنسدان، رہنما، صنعت کار، کاروباری اور مختلف شعبوں سے تعلق رکھنے والے ماہرین اس پلیٹ فارم کا حصہ بن سکتے ہیں۔ پلیٹ فارم میں نمایاں خدمات انجام دینے والے پاکستانی انجینئرز کو خراج تحسین پیش کرنے کے لیے پورٹل پر ان کے نمایاں کارناموں کو دستاویزی شکل دینے کے لیے ایک رجسٹری اور ڈیجیٹل جرنل بھی شامل ہے۔ انجینئرنگ، ٹیکنالوجی کے شعبوں میں پاکستانیوں کی کامیابیوں کو اجاگر کرنے کے لیے کامیابی کی داستانیں بھی شیئر کی جائیں گی۔ چیئرمین پی ای سی انجینئر ثمین نے کہا کہ اس اقدام کا مقصد بیرون ملک مقیم پاکستانی انجینئرز کے علم اور مہارت کو ملک کے اندر واپس لانا ہے۔ انہوں نے کہا ہم اپنے انجینئرز سے وطن والی آنے کا مطالبہ نہیں کر رہے، ہم ان کے علم کو وطن واپس لانا چاہتے ہیں۔ جب علم واپس آتا ہے تو خیالات اس کے پیچھے آتے ہیں، مواقع بڑھتے ہیں اور پاکستان آگے بڑھتا ہے۔ سیکریٹری وزارت سائنس و ٹیکنالوجی انجینئر شبیر اقبال بلوچ نے پورٹل کی ایک نیٹ ورکنگ پلیٹ فارم سے بڑھ کر قرار دیتے ہوئے کہا کہ یہ علم اور مہارت کا ایک ذخیرہ ہے جس سے پاکستان ضرورت کے وقت استفادہ کرسکتا ہے۔ انہوں نے کہا کہ کوئی ملک اپنا ٹیلنٹ اس وقت نہیں کھوتا جب دوسرا ملک اسے بہتر کرتا ہے، بلکہ وہ اسے اس وقت کھوتا ہے جب اس کے ساتھ موجود علم اور خدمات حاصل کرنا چھوڑ دیتا ہے۔ فرانس میں پاکستان کی سفیر محترمہ ممتاز زہرہ بلوچ نے پورٹل کے کامیاب آغاز پر پی ای سی کو مبارک باد دی اور اس اقدام کی حمایت کے عزم کا اظہار کیا۔ انہوں نے کہا کہ پاکستان کے سفارتی مشنز برین گین کے فروغ میں اہم کردار ادا کرتے ہیں اور اب وقت آگیا ہے کہ دنیا بھر میں موجود پاکستانی انجینئرز اور سائنسدانوں کو بھی باہمی رابطہ قائم کرنے اور ملک کی ترقی کے لیے تعاون کریں۔ پی ای سی کے کارپوریٹ افیئرز اینڈ ڈویلپمنٹ ڈویژن کے ڈائریکٹر انجینئر رضوان آصف نے پلیٹ فارم کی تیاری کی قیادت کی، جبکہ کسٹم ڈویلپمنٹ ڈویژن کے افسر خان نے اس کی خصوصیات کے نفاذ کی نگرانی کی۔ مقامی ڈیزائن اور پروگرامنگ کے لیے پاکستانی انجینئرز سے مشاورت سے پورٹل تیار کیا گیا، جو اپنے ابتدائی طور پر بیٹا ورژن میں متعارف کرایا گیا ہے اور وقت کے ساتھ اس میں مزید سہولیات اور خدمات شامل کی جائیں گی۔ دنیا بھر میں مقیم پاکستانی انجینئرز اور دیگر ماہرین، طلبہ، جامعات، اسٹارٹ اپس اور صنعتی اداروں کے لیے braingain.pec.org.pk پر مفت رجسٹریشن دستیاب ہے۔