صابو هيرو ڪلمتي ڳوٺ جي رهواسين جو بااثرن خلاف عوامي پريس ڪلب ملير اڳيان احتجاج

ملير (رپورٽ: عبدالرشيد مورجھريو)صابو هيرو ڪلمتي ڳوٺ جي رهواسين بااثر ماڻهن خلاف عوامي پريس ڪلب ملير اڳيان احتجاجي مظاهرو ڪري سخت نعريبازي ڪئي ۽ ملير انتظاميا کان تحفظ فراهم ڪرڻ جو مطالبو ڪيو۔ مظاهرين جو چوڻ هو ته علائقي جو بااثر مبينا طور غريب ڳوٺاڻن کي ڌمڪيون ڏئي رهيا آهن ته هو پنهنجي گهر ۽ زمين خالي ڪري علائقو ڇڏين، ٻي صورت ۾ کين نقصان پهچايو ويندو هنن الزام هنيو ته بااثر ماڻهن جو مقصد زمين خالي ڪرائي اتي گودام قائم ڪرڻ يا زمين وڪرو ڪرڻ آهي، جنهن سبب ڳوٺاڻن ۾ خوف ۽ بيچيني پکڙيل آهي احتجاج ڪندڙن وڌيڪ چيو ته هو ڪيترن ئي سالن کان هتي رهائش پذير آهن ۽ سندن گهر ۽ زمين سندن روزگار ۽ گذر سفر جو واحد ذريعو آهي، پر علائقي جا بااثر ماڻهو طاقت جي زور تي سندن حقن تي قبضا ڪرڻ جي ڪوشش ڪري رهيا آهن مظاهرين بااثرن خلاف سخت نعريبازي ڪندي مطالبو ڪيو ته ملير انتظاميا، پوليس ۽ لاڳاپيل اختياريون معاملي جو نوٽيس وٺي فوري ڪارروائي ڪن ۽ ڳوٺاڻن کي تحفظ فراهم ڪيو وڃي، جيئن ڪنهن به ممڪن تڪرار يا اڻ وڻندڙ واقعي کان بچي سگهجي۔احتجاج ڪندڙن خبردار ڪيو ته جيڪڏهن سندن مطالبن تي عمل نه ڪيو ويو ته هو احتجاج جو دائرو وڌائيندا ۽ اعليٰ اختيارين تائين آواز پهچائيندا