آمريڪا ۾ رهندڙ اعجاز علي عالماڻي جي مان ۾ عوامي پريس ڪلب ملير پاران پروقار آجياڻو

ملير (رپورٽ: عبدالرشيد مورجھريو) نوشهرو فيروز سان تعلق رکندڙ ۽ آمريڪا ۾ رهندڙ سنڌي ريڊيو ميزبان اعجاز علي عالماڻي جي وطن واپسي تي عوامي پريس ڪلب ملير طرفان سندس مان ۾ پروقار آجياڻي تقريب منعقد ڪئي وئي، جنهن ۾ صحافين، سياسي ۽ سماجي اڳواڻن، اديبن ۽ علائقي جي معزز شخصيتن وڏي انگ ۾ شرڪت ڪئي تقريب دوران مختلف سياسي ۽ سماجي شخصيتن توڙي عوامي پريس ڪلب ملير جي عهديدارن اعجاز علي عالماڻي کي اجرڪن جا تحفا پيش ڪيا، جڏهن ته پريس ڪلب طرفان کين مڃتا ايوارڊ پڻ ڏنو ويو ان موقعي تي خطاب ڪندي اعجاز علي عالماڻي ملير جي ساڃاهه وندن ۽ خاص طور عوامي پريس ڪلب ملير جو ٿورو مڃيندي چيو ته پرڏيهه ۾ رهندي به سنڌ سان محبت سندن سڃاڻپ آهي "مهراڻ رنگ" پروگرام ذريعي هو سنڌي ٻولي، ثقافت ۽ سنڌ سان جڙيل رهڻ جي ڪوشش جاري رکندا پيا اچن هن چيو ته دنيا جي مختلف ملڪن ۾ رهندڙ سنڌين کي هڪ پليٽفارم تي گڏ ڪرڻ سندن مشن آهي پروگرام ۾ فرمائشي گيتن سان گڏ حالتنِ حاضرہ، سنڌ جي مسئلن، سياسي ۽ سماجي سرگرمين، سياسي ۽ ادبي شخصيتن جا انٽرويو ۽ سامعين جون سڌيون ڪالون پڻ شامل هونديون آهن پروگرام جا هوسٽ آفتاب شاهه آهن جيڪي پنهنجون خدمتون سرانجام ڏئي رهيا آهن نالي واري صحافي ۽ ليکڪ جاويد مهر چيو ته اعجاز عالماڻي آمريڪا ۾ رهي سنڌي ٻولي ۽ ثقافت لاءِ وڏو ڪم ڪري رهيو آهي، جيڪو ساراهه جوڳو آهي ۽ نوجوانن لاءِ هڪ مثال پڻ آهي غلام نبي مگسي چيو ته "مهراڻ رنگ" پروگرام سنڌي ثقافت کي عالمي سطح تي متعارف ڪرائڻ ۾ اهم ڪردار ادا ڪري رهيو آهي ۽ اهڙيون ڪوششون سنڌي سڃاڻپ کي مضبوط ڪن ٿيون ريڊيو ميزبان سڪندر سرواڻ چيو ته اعجاز عالماڻي جو ڪم صرف ريڊيو پروگرام تائين محدود ناهي، پر اهو سنڌي ادب، موسيقي ۽ ثقافت جي واڌاري لاءِ هڪ اهم پليٽفارم بڻجي چڪو آهي عوامي پريس ڪلب ملير جي صدر سيد سجاد علي شاھ چيو ته عوامي پريس ڪلب لاءِ اهو اعزاز آهي ته اعجاز علي عالماڻي جي وطن واپسي تي آجياڻو تقريب منعقد ڪئي وئي ڇاڪاڻ⁠تہ هو دنيا جي مختلف ملڪن ۾ رهندڙ سنڌين لاءِ هڪ اهم ثقافتي پليٽفارم مهيا ڪري رهيا آهن سامي ميمڻ چيو ته پرڏيهه ۾ رهندڙ سنڌين جو پنهنجي ٻولي ۽ ثقافت سان اهڙي وابستگي رکڻ قابلِ فخر آهي ۽ اعجاز عالماڻي سنڌين جو نالو روشن ڪري رهيا آهن تقريب ۾ ٻين اڳواڻن ۽ شخصيتن پڻ خطاب ڪندي اعجاز علي عالماڻي جي خدمتن کي ساراهيو تقريب ۾ شريڪ شخصيتن "مهراڻ رنگ" پروگرام کي سنڌي ٻولي ۽ ثقافت جي واڌاري لاءِ اهم قدم قرار ڏنو.