جنگشاهي جي پرائمري استاد جو مبينا حملي خلاف احتجاج

زمين جو پاڻي بند ڪرڻ تان بااثرن سان تڪرار هلندڙ آهي: نور نبي پليجو

ٺٽو( محمد شفيق ڀٽي)جنگشاهي جي ڳوٺ گل محمد پليجو جي رهائشي پرائمري ماستر نور نبي پليجو عوامي پريس ڪلب ٺٽو ۾ پريس ڪانفرنس ڪندي چيو آهي ته سندس ويجها عزيز علي نواز پليجو ارشاد پليجو علي احمد پليجو وارن پاران سندس زمين جو پاڻي بند ڪرڻ تان ڪجھ ڏينهن کان معاملو هلندڙ هو جنهن جي هن جنگشاهي ٿاڻي تي اين سي ڪرائي هئي ۽ ساڻس ٿيل زيادتي جي تر جي معزز ماڻهن کي دانهون پڻ ڏنيون ويون جن به مذڪوره ماڻهن کي هدايتون ڪيون پر هو بلاجواز کيس حراسان ڪري رهيا آهن، ھن چيو تہ اڄ جڏھن ھوجنگشاهي کان مڪلي اچي رهيو هو ته مٿين جوابدارن مٿس حملو ڪري کيس کيس ڌڪ هنيا ۽ موٽرسائيڪل کي به نقصان رسايو جڏهن تہ ان کان اڳ به پنج فيبروري تي انهن ساڳي ماڻهن سندس زمين تي اچي مٿس حملو ڪيو ھو، ھن چيو تہ پوليس وٽ شڪايت درج ڪرڻ سبب هو وڌيڪ مونکي ڌمڪائي رهيا آهن. پرائمري ماستر نورنبي پليجو ايس ايس پي ٺٽو کان فوري نوٽيس وٺي تحفظ فراهمي جو مطالبو ڪندي چيو ته سندس قانوني طور زمين جو بند ٿيل پاڻي وارو معامرو حل ڪرائي ڏنو وڃي ۽ جوابدارن تي قانوني ايڪشن کڻي کيس انصاف ڏياريو وڃي