’’اگر ایران نے پُرامن مظاہرین پر تشدد کیا تو امریکہ ان کے بچاؤ کے لیے آگے آئے گا‘‘، ٹرمپ کی دھمکی

واشنگٹن (ویب ڈیسک) امریکی صدر ڈونلڈ ٹرمپ نے دھمکی دی ہے کہ اگر ایران نے پُرامن مظاہرین پر تشدد کیا تو امریکہ ان کے بچاؤ کے لیے آگے آئے گا۔ سوشل ٹروتھ اکاؤنٹ پر جاری اپنے بیان میں ڈونلڈ ٹرمپ نے کہا کہ ’’اگر ایران نے پُرامن مظاہرین پر تشدد کیا یا انہیں قتل کیا گیا تو امریکہ ان کے بچاؤ کے لیے آئے گا۔‘‘ امریکی صدر نے اپنے پیغام میں مزید لکھا کہ ’’ہم جانے کے لیے مکمل طور پر تیار ہیں۔‘‘ امریکی صدر کی دھمکی پر ایرانی سپریم لیڈر آیت اللہ خامنہ ای کے مشیر علی لاریجانی نے کہا ہے کہ ایران کے احتجاجی معاملے میں امریکی مداخلت خطے میں افراتفری پھیلانے کے مترادف ہے۔ یاد رہے کہ ایران میں گزشتہ کئی دنوں سے مہنگائی اور کرنسی کی قدر میں کمی کے خلاف مظاہرے جاری ہیں۔ گزشتہ روز ایرانی سیکیورٹی فورسز کے ساتھ جھڑپوں کے دوران 6 مظاہرین مارے گئے تھے، جبکہ 30 افراد کو گرفتار کیا گیا تھا۔