بيگم نصرت ڀٽو جي ورسي تي پ پ ملير جو تعزيتي ريفرنس، مادرِ جمهوريت کي ڀيٽا پيش

پاڪستان پيپلز پارٽي ملير ضلعي پاران مادرِ جمهوريت بيگم نصرت ڀٽو جي ورسي تي تعزيتي ريفرنس منعقد

ملير (رپورٽ: عبدالرشيد مورجھريو) پاڪستان پيپلز پارٽي ملير ضلعي پاران مادرِ جمهوريت بيگم نصرت ڀٽو جي ورسي جي موقعي تي تعزيتي ريفرنس منعقد ڪيو ويو، جنهن ۾ پارٽي جي ضلعي عهديدارن، چونڊيل نمائندن ۽ ڪارڪنن وڏي انگ ۾ شرڪت ڪئي۔تقريب ۾ مقررن بيگم نصرت ڀٽو جي سياسي ۽ جمهوري خدمتن کي شاندار خراجِ تحسين پيش ڪيو۔ مقررن چيو ته بيگم نصرت ڀٽو آمريت خلاف جدوجهد ۾ ناقابلِ فراموش ڪردار ادا ڪيو، هوءَ جمهوريت، عورتن جي حقن ۽ عوامي بالادستي جي علامت رهي۔ بيگم نصرت ڀٽو شهيد ذوالفقار علي ڀٽو ۽ شهيد محترمه بينظير ڀٽو جي مشن کي اڳتي وڌائڻ ۾ اهم ڪردار ادا ڪيو تعزيتي ريفرنس ۾ پيپلز پارٽي جا ضلعي صدر، تنظيمي عهديدار، اسيمبلي ميمبر ۽ بلدياتي نمائندا شرڪت ڪئي، جن ۾ راجا عبدالرزاق بلوچ، عديل شيخ، امداد جوکيو، شاهجهان خان، صوبائي وزير شاهينه شير علي، سلمان مراد، ساجد جوکيو، يوسف مرتضى بلوچ ۽ جان محمد بلوچ شامل هئارهنمائن خطاب ڪندي چيو ته بيگم نصرت ڀٽو پنهنجي سڄي زندگي عوامي خدمت ۽ جمهوري قدرن جي واڌاري لاءِ وقف ڪري ڇڏي۔ اڄ ملڪ ۾ جيڪي به جمهوري قدر موجود آهن، انهن ۾ بيگم نصرت ڀٽو جي قربانين ۽ جدوجهد جو وڏو حصو شامل آهي۔ آخر ۾ بيگم نصرت ڀٽو جي ايصالِ ثواب ۽ درجات جي بلندي لاءِ دعا ڪئي وئي۔