ڪنري پريس ڪلب جي نئين صدر ۽ ٻين عهديدارن کي مبارڪون ڏيڻ جو سلسلو جاري

ڪنري پريس ڪلب جي نئين صدر ۽ ٻين عهديدارن کي مبارڪون ڏيڻ جو سلسلو جاري

عمرڪوٽ(رپورٽ:ڪانجي مل رکيسر)ڪنري پريس ڪلب جي نون چونڊيل صدر ۽ ٻين عهديدارن کي مبارڪباد ڏيڻ جو سلسلو جاري آهي، جتي کين سنڌي اجرڪن جا تحفا پيش ڪري، گلن جا هار پارائي ۽ مٺائي کارائي ڀليڪار ڪيو پيو وڃي.تفصيل موجب، ڪنري پريس ڪلب جي چونڊن ۾ سال 2026 لاءِ مسلسل ٽئين دفعو منتخب ٿيندڙ صدر اعجاز مغل ۽ ٻيا عهديدار — نائب صدر تحسين جاويد ميمڻ، جنرل سيڪريٽري محمد اقبال ڀٽي، گڏيل سيڪريٽري سيد محمود علي شاهه، پريس سيڪريٽري انور حسين ميمڻ، فنانس سيڪريٽري فداحسين حيدري — کي ٽائون ڪميٽي جي چيئرمين حاجي شڪيل احمد باجوه، ڪاؤنسلر سيد منظور علي شاهه، عمران مغل، ساجد عزيز، عمران ڀٽي، محمد رضا پپو، آٽو چڪي ايسوسيئيشن جي صدر حاجي منير احمد آرائين، مغل ويلفيئر ايسوسيئيشن جي چيئرمين ذوالفقار علي مغل، پرائيويٽ اسڪولز ايسوسيئيشن جي صدر حاجي محمد حسن ميمڻ، نيو لائيف پبلڪ اسڪول جي پرنسپل محمد اشرف آرائين، زاهد مراد آرائين، انجمن تاجران جا محمد حسين آرائين، حيسڪو واپڊا سب ڊويزن ڪنري جا ايل ايس سيد جعفر شاهه، محمد افضل آرائين، ايڊووڪيٽ اسلم نفيس، ڪنول شرما، شاهنواز گرگيچ، محمد ثاقب خاضخيلي ۽ ٻين صحافتي، سياسي ۽ سماجي تنظيمن جي اڳواڻن ۽ دوستن پاران مثالي ڪاميابي تي مبارڪباد ڏني پئي وڃي، جتي کين سنڌي اجرڪ جا تحفا پيش ڪرڻ، گلن جا هار پارائڻ ۽ مٺائي کارائڻ سان سندن ڀليڪار ڪيو پيو وڃي۔