بلوچستان کے ضلع کچھی میں گھر کے اندر بارودی مواد پھٹنے سے افسوسناک دھماکا، 2 بچوں سمیت 3 افراد جاں بحق اور کئی زخمی۔
بلوچستان کے ضلع کچھی کے علاقے سنی میں ایک گھر میں اچانک ہونے والے دھماکے نے پورے علاقے کو سوگوار کردیا۔ افسوسناک واقعے میں 2 بچوں سمیت 3 افراد جان کی بازی ہار گئے، جبکہ 3 افراد شدید زخمی ہوئے جنہیں فوری طور پر اسپتال منتقل کر دیا گیا۔
ڈی ایس پی جان محمد کے مطابق ابتدائی تحقیقات سے یہ بات سامنے آئی ہے کہ دھماکا گھر میں نصب بارودی مواد پھٹنے سے ہوا۔ دھماکے کی نوعیت اور اس میں استعمال ہونے والے مواد کی شناخت کے لیے تفتیش جاری ہے۔
گھر کے سربراہ نے پولیس کو بتایا کہ نامعلوم افراد نے ان کے گھر میں بارودی مواد رکھا تھا جو دھماکے کی صورت میں پھٹ گیا۔ پولیس نے واقعے کی مکمل تحقیقات شروع کر دی ہیں اور ذمہ داران کی تلاش جاری ہے۔
0 تبصرے