سجاول ۾ يوم حضرت علي عه جي حوالي سان اجلاس، سيڪيورٽي، صفائي سٿرائي ۽ ٻين معاملن تي غور ويچار

اجلاس ايڊيشنل ڊپٽي ڪمشنر ون محمد پيرل چانڊيو جي صدارت ۾ ٿيو

سجاول (رپورٽر)ضلعي انتظاميه سجاول پاران يومِ شهادت حضرت عليؓ جي حوالي سان اجلاس، سيڪيورٽي ۽ ٻين انتظامن جو جائزو -ڊپٽي ڪمشنر زاهد حسين رند جي هدايتن تي ايڊيشنل ڊپٽي ڪمشنر ون محمد پيرل چانڊيو جي صدارت هيٺ يومِ شهادت حضرت عليؓ جي موقعي تي امن امان ۽ ٻين انتظامن بابت هڪ اهم اجلاس منعقد ٿيو. اجلاس ۾ پوليس، صحت، روينيو، حيسڪو، پي پي ايڇ آءِ، ريسڪيو 1122، ٽائون ڪميٽي ۽ ٻين لاڳاپيل کاتن جي آفيسرن شرڪت ڪئي. اجلاس ۾ يومِ شهادت حضرت عليؓ جي موقعي تي نڪرندڙ جلوسن ۽ ٿيندڙ مجلسن لاءِ سيڪيورٽي، طبي سهولتن، بجلي جي فراهمي، صفائي سٿرائي ۽ ٽريفڪ انتظامن سميت ٻين ضروري معاملن جو تفصيلي جائزو ورتو ويو. ايڊيشنل ڊپٽي ڪمشنر محمد پيرل چانڊيو لاڳاپيل کاتن جي آفيسرن کي هدايت ڪئي ته يومِ شهادت جي موقعي تي عوام کي هر ممڪن سهولتون فراهم ڪيون وڃن ۽ سيڪيورٽي سميت سمورا انتظام اثرائتي ۽ گڏيل انداز ۾ مڪمل ڪيا وڃن ته جيئن يوم شهادت حضرت علي جو ڏهاڙو پرامن ۽ منظم نموني سان منعقد ٿي سگهي.