ملير ۾ ناليواري شاعر ۽ اديب غفار عبد جي سالگره ملهائي وئي

تقريب ۾ اديبن سياسي سماجي ڪارڪنن طرفان ڪيڪ پڻ ڪاٽيو ويو

ملیر (رپورٽ: عبدالرشيد مورجھريو) سنڌي ادبي سنگت ملير شاخ پاران عوامي پريس ڪلب ملير ۾ نامور شاعر، اديب ۽ تخليقڪار غفار عبد جي سالگره جب تقريب ملهائي وئي، جنهن ۾ ادبي دوستن ۽ ساٿين وڏي تعداد ۾ شرڪت ڪئي تقريب ۾ اديبن سياسي سماجي ڪارڪنن صحافين ڪيڪ ڪاٽي کيس زبردست خراج پيش ڪيو ان موقعي تي منهنجا مارو ملير جا جي اڳواڻ بخشل سيال، عبدالرسول بلالي ،سنڌي ادبي سنگت شاخ گلشن حديد جي سيڪريٽري عرفان عباسي، قومي، عوامي ۽ رومانوي شاعر سيد غفور شاھ تقوي، اصغر مهرائي ،سامي ميمڻ، جمشید زھراڻي، قمبر ٻٽ، سڪندر سرواڻ، سينيئر شاعر اقبال شاهين ۽ ٻين خطاب ڪندي چيو ته غفار عبد جي شخصيت سنڌي ادب لاءِ هڪ روشن دريءَ جيان آهي، جنهن جا لفظ نه صرف زندگيءَ جي تلخ حقيقتن کي بيان ڪن ٿا پر انساني خوابن ۽ اميدن جا رنگ به ڀرين ٿا هن موقعي تي مقرر جو چوڻ هو ته اصل اديب کي سندس حياتيءَ ۾ ئي عزت، محبت ۽ ساراهه ڏيڻ گهرجي. غفار عبد جو چوڻ هو ته منهنجي چهري تي هميشه رهندڙ مرڪ دوستن عظيم تحفوقرار ڏنو، جيڪا ٻڌائي ٿي ته حقيقي شاعر پنهنجي ڏکن کي لڪائي ٻين لاءِ خوشيءَ جا رنگ ورهائي ٿو.آخر ۾ ادبي ساٿين دعا ڪئي ته خداوند غفار عبد کي صحت، سگھ ۽ وڌيڪ تخليقي زندگي عطا ڪري، جيئن هو پنهنجي لفظن ۽ فڪر سان سماج کي حوصلو ۽ همٿ ڏيندو رهي.