ملير: کوکرا پار ۾ ناري قتل، گهر ٻاهران سندس لاش هٿ، 4 شڪي گرفتار

ملير ( رپورٽ:عبدالرشيد مورجھريو)کوکرا پار ۾ 16 وريهن جي ناري جو گهر جي دروازي وٽان لاش مليو، گهر ۾ ماتم ،4 ڄڻا گرفتار ، تفصيل موجب کوکرا پار ۾ 16 وريهن جي ناري اربيه جو گهر جي دروازي وٽان لاش هٿ آيو جنهن بعد گھر ۾ ڪهرام مچي ويو اطلاع تي پوليس واقعي واري هنڌ پهچي ضروري ڪارروائي بعد مڙھ جناح اسپتال منتقل ڪيو ان سلسلي ۾ ناري جي پيءُ ٻڌايو ته نياڻي ماني ڏئي ٻاهر وئي ته واپس نه موٽي ٿوري دير بعد پاڙيسرين دروازو کڙڪايو ته دروازي تي سندس لاش پئي هن چيو ته اربيعه ٻن ڀيڻ ڀائرن ۾ وڏي هئي کيس بيدردي سان قتل ڪري ظلم ڪيو ويو پوليس فوري طور ڪاروائي ڪري ملوث جوابدارن کي عبرتناڪ سزا ڏني وڃي پولیس موجب ابتدائی جاچ مان لڳي ٿو ناري گلو گهوٽي قتل ڪيو ويو آهي ان حوالي شڪ ۾ چئن ڄڻن کي گرفتار ڪري جاچ ڪئي پئي وڃي ۽ نينگري جي مڙھ کي پوسٽ مارٽم لاءِ اسپتال منتقل ڪيو ويو آهي رپورٽ بعد وڌيڪ حقيقتون سامهون اينديون