لاڙڪاڻو: ڪي ايف سي هوٽل جي برانچ مئنيجر تي برطرف ملازم ناري پاران هراسان ڪرڻ جا الزام

هوٽل جي برانچ مئنيجر دوستي نه رکڻ تان نوڪري مان فارغ ڪري ڇڏيو: ناري جو الزام

لاڙڪاڻو: ڪي ايف سي هوٽل جي برانچ مئنيجر طرفان ملازمت ڪندڙ نوجوان ناري کي مبينا دوستي نه رکڻ تان نوڪري مان فارغ ڪري ڇڏيو، ناري مئنيجر مٿان دوستي رکڻ لاءِ دٻاءُ وجهي لاڳاپا رکڻ لاءِ حراسان ڪرڻ جو الزام لڳائيندي مئنيجر خلاف ڪاروائي ۽ تحفظ جي گهر ڪئي آھي.نظر پاڙي جي رهواسڻ رهواسڻ ثمينه دانهيندي الزام لڳايو ته مان 10 مهينا ڪي ايف سي ۾ ملازمت ڪئي جتي برانچ مئنيجر فياض ميمڻ مون کي دوستي رکڻ لاءِ مختلف طريقن سان ڪم واري هنڌ توڙي موبائيل فون جي ذريعي ڳالهائي دوستي رکڻ لاءِ دٻاءُ وجهي مختلف طريقن سان تنگ ڪندو هو لاڙڪاڻو ايتري حد تائين جو مون کي ايترو به چيائين ته سندس الڳ روم آهي ۽ مان اتي اچي ساڻس ملاقات ڪيان انڪار تي هن مون کي ٽارچر ڪيو جنهن ڪري مان اڪثر خوف حراس ۽ پريشاني واري حالت ۾ رهي ملازمت ڪندي هيس ان باوجود هن منهنجو جيئن جنجال ڪري ڇڏيو ۽ رمضان مهيني ۾ افطاري ڪرڻ به نه ڏيندو هو، مون ڪيترائي ڀيرا کيس منع به ڪئي ۽ سندس چوڻ نه وٺڻ تي هن مون کي عيدالفطر جي ٻئي ڏينهن ملازمت مان فارغ ڪري ڇڏيو. هن چيو ته منهنجو واسطو غريب ڪٽنب سان آهي، گهر ۾ والد ۽ معصوم ڀائر آهن ۽ مان اڪيلي نياڻي ڪي ايف سي ۾ ملازمت ڪري گهر ڀاتين جي ڪفالت ڪندي هيس جنهن مون کي بيروزگار ڪري ظلم ڪيو آهي، منهنجو ميڊيا تي اچڻ جو مقصد فياض ميمڻ کي سخت سزا ڏياري ٻين نياڻين کي سندس چنبي مان بچائڻ آهي تنهن ڪري ميڊيا تي آواز اٿاري رهي آهيان. هن مطالبو ڪيو ته فياض ميمڻ خلاف سخت ڪاروائي ڪري مون کي انصاف ۽ تحفظ فراهم ڪيو وڃي جيئن مستقبل ۾ ڪنهن نياڻي سان ائين نه ٿئي.