شڪارپور پوليس جو ايس ايس پي شاهزيب چاچڙ جي اڳواڻيءَ ۾ آپريشن، 2 ڏوهاري گرفتار

شڪارپور ( احسان ابڙو ) شڪارپور پوليس ۽ رينجرز جو گڏيل آپريشن، ٻه بدنام ڏوھاري منظور سعدخاناني ۽ ملنگ عرف ملنگو سعدخاناڻي گرفتار. ايس ايس پي شڪارپور شاھزيب چاچڙ خانپور جي علائقي رستم جي ڪچي ڳوٺ پيارو سعد خاناڻي، چمن ۽ ڪوٽ شاهو ۾ ڏوهارين خلاف گڏيل ٽارگيٽڊ آپريشن جاري هو گرفتار ڏوھاري پوليس، رينجرز ۽ مير غالب ڊومڪي جي مٿان حملي ۾ ملوث آھن ان سان گڏوگڏ ڪيئي ڦر، چوري جي وارداتن، پوليس مقابلن ۽ ڪيترين ئي سنگين وارداتن جي ڪيسن ۾ پڻ گهربل هئا، ڏوھارين جي خاتمي تائين بي رحماڻو گڏيل ٽارگيٽڊ آپريشن جاري رهندو / ايس ايس پي شڪارپور شاھزيب چاچڙ تفصيل موجب : ايس ايس پي شاهزيب چاچڙ ۽ ونگ ڪمانڊر رينجرز جي اڳواڻيءَ ۾ پوليس ۽ رينجرز جو ڳوٺ پيارو سعدخاناڻي، چمن ۽ ڪوٽ شاھو ۾ گڏيل ٽارگيٽڊ آپريشن جي دوران پوليس، رينجرس ۽ مير غالب ڊومڪي تي حملي ۾ ملوث منظور سعدخاناڻي ۽ ملنگو سعيدخاناڻي کي گرفتار ڪيو ويو آھي. 19 مئي تي فيضو اسٽاپ تي شهرين کي ڦرڻ جي ڪوشش ناڪام بڻائڻ کان پوءِ رينجرز اهلڪارن ۽ ڌاڙيلن جي وچ ۾ فائرنگ جو تبادلو ٿيو. رينجرز جوان هريش ڪمار فائرنگ جي تبادلي ۾ زخمي ٿيو، جيڪو زخمن جي سٽ نه سهندي پنهنجي جان قربان ڏئي ڇڏي. ان سلسلي ۾ ايس ايس پي شڪارپور شاهزيب چاچڙ هٿياربندن هٿان شهيد ٿيل رينجرس جي اهلڪار هريش ڪمار جي جوابدارن جي گرفتاري لاءِ هڪ هفتا کان وٺي خانپور جي ڪچي ڪوٽ شاهو ۽ پيارو سعيدخاناڻي جتوئي سميت ٻين ڳوٺن تي پوليس ۽ رينجرس جي گڏيل ٽارگيٽڊ آپريشن شروع ڪيو ھو. جنهن ۾ شهيد رينجرس اهلڪار هريش ڪمار جي شهادت ۾ ملوث ٻن جوابدارن ملنگ سعدخاناڻي ۽ منظور سعدخاناڻي جتوئي کي گرفتار ڪيو آهي، ايس ايس پي شڪارپور شاهزيب چاچڙ جو وڌيڪ چوڻ هو ته ابتدائي معلومات موجب گرفتار ٿيل ڏوهارين اعتراف ڪيو آهي ته سردار غالب ڊمڪي جي گاڏي تي ٿيل حملي سميت ٻين ڪيترين ئي ڦر، چوري، پوليس مقابلي ۽ سنگين وارداتن جي ڪيسن ۾ گهربل آهن، ڏوهارين خلاف آپريشن جاري آهي، پوليس ۽ رينجرس هر وقت ڪچي توري پڪي تي ڏوهارين خلاف آپريشن جاري آهي اڳ به ڪيترائي ڏوهاري پوليس مقابلن ۾ مارجي ويا آهن، ڪيترائي گرفتار ٿيا آهن، شڪارپور ضلعي جو امن امان بهتر ڪرڻ پهرين ترجيح آھي ڏوھارين جي خاتمي تائين بي رحماڻو مسلسل آپريشن جاري رهندو.