ڪراچي: گلستانِ جوهر واري علائقي جي خانگي نرسنگ ڪاليج ۾ شاندار سائنسي ميلو منعقد

ڪراچي (اسٽاف رپورٽر )ڪراچي جي گلستانِ جوهر واري علائقي ۾ خانگي نرسنگ ڪاليج ۾ هڪ شاندار سائنس ميلو منعقد ڪيو ويو، جنهن ۾ شاگردن ۽ شاگردياڻين وڏي جوش ۽ جذبي سان ڀرپور شرڪت ڪئي. ميلي دوران شاگردن پاران مختلف سائنسي ماڊلز پيش ڪيا ويا، جن ۾ نروس سسٽم، يورينري سسٽم، اسپيشل سينسز، انڊر لائين گلينڊ، بلد ڪلاٽنگ، ايلبو جوائنٽ، مسڪيولر سسٽم، سرڪيوليٽري سسٽم، ڊائجيسٽِو سسٽم سميت ڪيترائي تعليمي ماڊلز شامل هئا. شاگردن ۽ شاگردياڻين پنهنجي ماڊلز جي تفصيلي بريفنگ ڏني، تقريب ۾ ڪاليج جي پرنسپل ميڊم نجمہ سلطانہ، ڪوآرڊينٽر اخلاق قادري، اونرز غلام مجتبیٰ قادري، ايڊمنسٽريٽر علي مهر سميت استادن، شاگردن ۽ والدين جي وڏي انگ ۾ شرڪت ڪئي انهن شاگردن جي محنت کي ساراهيو ۽ حوصلا افزائي ڪئي.مختلف ڪاليجن جي استادن ۽ شاگردن پڻ ميلو ڏسڻ آيا، جن سائنس ماڊلز جي واکاڻ ڪئي ۽ شاگردن جي ڪوششن کي ساراهيو