شڪارپور ۾ فائرنگ ۾ زخمي ٿيل نوجوان جو احتجاج

9مارچ تي 4 ڄڻن جي فائرنگ ۾ زخمي ٿيو هيس: سهيل معرفاڻي

شڪارپور(احسان ابڙو) شڪارپور جي عيدگاھ لاڙائي محلا واسي پورھيت راحب معرفاڻي ۽ فائرنگ ۾ زخمي ٿيل سھيل معرفاڻي پريس ڪلب پھچي اسٽور گنج پوليس ۽ جوابدارن خلاف احتجاجي مظاھرو ڪيو, ان موقعي تي ميڊيا سان ڳالھائيندي ھنن الزام ھڻندي چيو تہ اسان 9 تاريخ تي اسان امين شاھ پاڙي مان پنھنجي گھر طرف اچي رھيا ھئاسين تہ پاڙي ۾ شادي جو پروگرام ھو ۽ گھٽي مان اچانڪ چار ماڻھو نڪتا جن اسان مٿان سڌي فائرنگ ڪري ڏني جنھن ۾ سھيل معرفاڻي پير ۾ گولي لڳڻ سبب زخمي ٿي پيو جڏھن تہ اسان سائيڊ ٿي وياسين ۽ جوابدار فائرنگ ڪندا فرار ٿي ويا جن کي اسان سڃاتو جوابدارن ۾ آزاد عرفاڻي,ياسين معرفاڻي, نديم معرفاڻي ۽ جاويد معرفاڻي شامل آھن ھنن چيو تہ اسان وٽ ٿاڻي جو پوليس ليٽر ۽ اسپتال مان مليل ميڊيڪل ليٽر بہ موجود آھي ان باوجود بہ اسٽورٽ گنج پوليس اسان جي ايف آء آر داخل نہ ٿي ڪري ھنن چيو تہ ايس ايڇ او اسٽورٽ گنج شاھد ميمڻ اسان کان ايف آء آر جا 20 ھزار بہ ورتا آھن,ھو اسان جي جوابدارن سان ملي ويو آھي جنھن ڪري ڪيس داخل نہ ٿو ڪري ۽ ڪوڙا آسرا ڏيئي رھيو آھي,ھنن آء جي سنڌ, ڊي آء جي لاڙڪاڻو, ايس ايس پي شڪارپور ۽ ڊي ايس پي سٽي ميڊيم پارس بکراڻي کان گھر ڪئي تہ اسان جو نوٽيس ورتو وڃي ۽ جوابدارن خلاف ڪيس داخل ڪري گرفتار ڪيو وڃي ۽ اسان کي انصاف فراھم ڪري تحفظ ڏنو وڃي.