قمبر ويجهو ڳوٺ گهٽهڙ ۾ نوجوان ناري ڏير هٿان قتل، لاش اسپتال منتقل

43 views | 19th Mar 2025 • سنڌي خبرون

24ورهين جي زليخان کي سندس ڏير منظور بليدي گهرو اڻبڻت تان گوليون هنيون: ڀاءُ الطاف بليدي

قمبر ويجهو ڳوٺ گهٽهڙ ۾ نوجوان ناري ڏير هٿان قتل، لاش اسپتال منتقل

قمبر (ڊ ر) قمبر ويجهو ڳوٺ گهٽهڙ ۾ گهرو اڻبڻت تان جوابدار منظور بليدي فائر ڪري 24 سالن جي ڀاڄائي زليخان کي قتل ڪري ڇڏيو، سندس لاش کي پوسٽ مارٽم لاء قمبر اسپتال آندو ويو مارجي ويل عورت جي ڀاء الطاف بليدي جو چوڻ هيو ته گهرو اڻبڻت تان مڙس آصف ۽ ڏير منظور بليدي منهنجي ڀيڻ تي تشدد ڪندا هئا مان پنهنجي ڀيڻ کي وٺڻ ويس ته انهن سان منهن ماري ٿي جنهن بعد ڏير منظور منهنجي ڀيڻ کي پسٽل جا فائر ڪيا جنهن سبب هو شديد زخمي ٿي پئي، علاج لاء لاڙڪاڻه اسپتال داخل ڪرايو جتي هن زخمن جا سور نه سهندي دم ڏئي ڇڏيو پوليس جو چوڻ هيو ته مقتولا عورت جي مڙس ۽ ڏير کي گرفتار ڪيو آهي، واقعي جي وڌيڪ جاچ ڪئي پئي وڃي، جڏهن ته ڪيس داخل ٿي نه سگهيو هيو