عمرڪوٽ جي مختلف علائقن ۾ وزيراعظم جي هدايتن تي افطاري پروگرام منعقد

عمرڪوٽ(رپورٽ:ڪانجي مل رکيسر)وزيراعظم پاڪستان شهباز شريف جي هدايت تي بيت المال پاران ضلعي عمرڪوٽ جي مختلف علائقن ۾ افطاري ڪرائڻ جو سلسلو جاري آهي.تفصيل موجب عمرڪوٽ ۾ وزيراعظم پاڪستان شهباز شريف جي حڪم تي، ضلعي عمرڪوٽ ۾ بيت المال طرفان سڄي ضلعي ۾ افطاري ڪرائڻ جو سلسلو جاري آهي. ان عمل تحت مدني مرڪز فيضانِ مدينه عمرڪوٽ ۾ افطاري ڪرائي وئي ته جيئن روزيدار رمضان ۾ آسانيءَ سان افطار ڪري سگهن. ان جي نگراني سيد صفدر حسين شاهه، سينيئر وائيس پريزيڊنٽ (ن) ليگ ضلعي عمرڪوٽ، سيد محمد شاهجان علي شاهه، خطيب فيضانِ مدينه عمرڪوٽ محمد شعيب رضا عطاري، محمد معراج قريشي، ديدار حسين عطاري، جي ايم ڪنڀر، ۽ خدا بخش مھر، ضلعي آفيسر بيت المال، ڪري رهيا آهن.هي سلسلو پهرين رمضان کان ئي شروع ٿي چڪو آهي ۽ 27 رمضان تائين جاري رهندو. هن پروگرام جو مقصد عمرڪوٽ ضلعي ۾ رمضان دوران افطاري لاءِ مناسب سامان مهيا ڪرڻ آهي. مدني مرڪز فيضانِ مدينه عمرڪوٽ ۾ هڪ خاص تقريب منعقد ڪئي وئي، جتي افطاري فراهم ڪئي وئي. ان موقعي تي، سينيئر وائيس پريزيڊنٽ (ن) ليگ ضلعي عمرڪوٽ، سيد صفدر علي شاهه ميڊيا سان ڳالهائيندي چيو ته وزيراعظم پاڪستان شهباز شريف جي هدايت تي هي پروگرام پوري رمضان دوران جاري رهندو ۽ اسان جي ڪوشش آهي ته هر مستحق خاندان تائين افطاري پهچائي وڃي ته جيئن هو رمضان جي مهيني ۾ سڪون ۽ آسانيءَ سان افطار ڪري سگهن.