عوامي تحريڪ پاران تڪراري ڪئنالن خلاف ميرپورساڪرو ۾ ريلي

ٺٽو( محمد شفيق ڀٽي) سنڌو درياهه مان نڪرندڙ 6 نون ڪئنالن ۽ ڪارپوريٽ فارمنگ جي نالي تي لکين ايڪڙ زمين وفاق حوالي ڪرڻ خلاف عوامي تحريڪ ميرپور ساڪرو پاران ساڪرو شهر ۾ شاندار ريلي ڪڍي وئي جنهن ۾ عوامي تحريڪ جي ڪارڪنن، ساڪري جي ماڻهن وڏي انگ ۾ شرڪت ڪئي، احتجاجي مظاهري ۾ "ڪئنال سمورا نامنظور – سنڌو تي ڌاڙو نامنظور" جا زوردار نعرا هنيا ويا.ريلي جي اڳواڻي عوامي تحريڪ ضلعي ٺٽو جي صدر رزاق چانڊيو، تعلقي صدر ٺارو خان شيخ، ھاري تحريڪ اڳواڻ دريا خان زئور، سنڌي ھاري تحريڪ ضلعي ٺٽي جي صدر بلاول لاشاري، مظھر لاشاري، ادريس پليجو، ضلعي اڳواڻ رياض عباسي، ايوب انڙ، سنڌي شاگرد تحريڪ ضلعي اگواڻ مجاھد بلوچ، عبدالله چانڊيو، سجاڳ ٻار تحريڪ ضلعي اڳواڻ فاضل بلاول لاشاري، عوامي تحريڪ ڪيٽي بندر جي صدر اسلم سمون، تعلقي گھوڙاباڙي جي صدر الله بخش بلوچ، لال چند مائسري، اقبال لاشاري، جبار لاشاري، نياز لاشاري، نياز خشڪ، سنڌي شاگرد تحريڪ ساڪري جو صدر نويد لاشاري، ينگ سوشل نيٽورڪ جي اڳواڻ رزاق ڪلمت، سماجي اڳواڻ ڪي بي لاشار، عبدالغني عباسي، ڌڻي بخش لاشاري ۽ ٻين ڪئي. ريلي مين ساڪرو پوليس چوڪي کان نکتي شاھ لطيف چوڪ کان مين بس اسٽاپ تي پهتي، جتي مظاهرين ڌرڻو هڻي پنهنجو احتجاج رڪارڊ ڪرايو.احتجاجي مظاهري دوران اڳواڻن ميڊيا سان ڳالهائيندي چيو ته سنڌ حڪومت ۽ وفاقي حڪومت سازشي پاليسين ذريعي سنڌ جي ماڻهن کي ڪنگال ڪرڻ جي رٿابندي ڪري رهي آهي. اڳواڻن واضح ڪيو ته سنڌو درياهه سنڌ جي ماڻهن لاءِ زندگيءَ جي علامت آهي، ان تي ڪڏهن به سوديبازي نه ڪئي ويندي. هنن خبردار ڪيو ته جيڪڏهن وفاق ۽ سنڌ حڪومت پنهنجي عوام دشمن پاليسين تان هٿ نه کنيو ته سنڌ جا ماڻهو وڌيڪ سخت احتجاج ڪرڻ تي مجبور ٿي ويندا عوام ھنن کي ان لاءِ اسيمبلي ۾ موڪليو ھو ته ھو عوام جي حقن جي ڳالھ ڪندا پر ھتي ته ھئي سنڌي ماڻهن جي ساه جي رڳ سنڌو درياه کسڻ جي ڳالھ پيا ڪن جيڪا سنڌي ماڻهو کي ڪڏهن به قبول ناھي