ڊي سي ٺٽو جي صدارت ھيٺ شهادت حضرت علي عه جي حوالي سان اهم اجلاس

21رمضان المبارڪ کان اڳ سمورن اجتماعن ۽ جلوسن جي گذرگاهن جي صفائي سٿرائي يقيني بڻائي وڃي: ڊي سي

ڊي سي ٺٽو جي صدارت ھيٺ شهادت حضرت علي عه جي حوالي سان اهم اجلاس

ٺٽو( محمد شفيق ڀٽي)ڊپٽي ڪمشنر ٺٽو جي صدارت ھيٺ 21ـ رمضان المبارڪ يومِ شهادت حضرت علیؓ جي موقعي تي امن امان ۽ ٻين انتظامن جو جائزو وٺڻ بابت اهم اجلاس ڊپٽي ڪمشنر منور عباس سومرو جي صدارت هيٺ 21ـ رمضان المبارڪ يومِ شهادت حضرت علیؓ جي موقعي تي ضلعي ۾ امن امان، بجلي، پيئڻ جي صاف پاڻي جي فراهمي ۽ نيڪال سميت مجلسن ۽ ماتمي جلوسن جي گذرگاھن تان صفائي سٿرائي ۽ ٻين انتظامن جو جائزو وٺڻ بابت اهم اجلاس منعقد ٿيو، جنھن ۾ ايڊيشنل ڊپٽي ڪمشنر-I غلام دستگير شيخ، ايڊيشنل ڊپٽي ڪمشنر-II فراز احمد عباسي، ڊ ايڇ او ڊاڪٽر سفدر علي شاہ سميت پوليس، رينجرز، پي پي ايڇ آءِ، پبلڪ هيلٿ، لوڪل گورنمينٽ، حيسڪو، تعليم، ميونسپل، ٽائون ۽ ٻين لاڳاپيل کاتن جي آفيسرن کان علاوه صدر عذادار ڪائونسل سيد جاويد شاہ، شيعه علماءِ ڪائونسل جي سيد عبدالحسين شاہ ۽ ٻين مڪتبہ فڪر جي اڳواڻن شرڪت ڪئي. ان موقعي تي ڊپٽي ڪمشنر منور عباس سومرو سمورن لاڳاپيل کاتن جي آفيسرن کي هدايت ڪئي ته 21ـ رمضان المبارڪ کان اڳ سمورن اجتماعن ۽ جلوسن جي گذرگاهن جي صفائي سٿرائي، نيڪال، لوڊشيڊنگ جي شيڊيول ۾ تبديلي، اسٽريٽ لائيٽن جي مرمت، پيئڻ جي صاف پاڻي جي فراهمي، کليل مين هولز کي ڍڪڻ لڳائڻ، ڊسپوزل سسٽم کي فعال بڻائڻ سميت سمورن گهربل انتظامن کي يقيني بڻايو وڃي. هن صحت کاتي جي آفيسرن کي هدايت ڪئي ته هو ايمبولينس، ڊاڪٽرن، اسٽاف ۽ لاڳاپيل دوائن جي موجودگي کي يقيني بڻائين ۽ حضرت علیؓ جي شهادت جي موقعي تي ميڊيڪل ڪيمپون قائم ڪيون وڃن. ڊپٽي ڪمشنر سمورن مڪتبہ فڪر جي عالمن ۽ اڳواڻن تي زور ڀريو ته هو حضرت علیؓ جي شهادت جي ڏهاڙي جي موقعي تي مذهبي پاڻ ۾ هم آهنگي، اتحاد ۽ امن امان کي برقرار رکڻ لاءِ ضلعي انتظاميہ ۽ ٻين لاڳاپيل ادارن سان سهڪار ڪندي ويجهي رابطي ۾ رھن تہ جيئن ڪنهن به قسم جي مشڪل صورتحال بچي سگهجي. اجلاس کي بريفنگ ڏيندي پوليس عملدارن ٻڌايو ته حضرت علیؓ جي يومِ شهادت جي موقعي تي سڪيورٽي جا سمورا انتظام مڪمل ڪيا ويا آهن، جڏهن ته ضلعي جي داخلي ۽ خارجي رستن جي پڻ نگراني ڪئي ويندي ته جيئن ڪنهن به ممڪنہ اڻوڻندڙ واقعي کان بچي سگهجي.