سجاول ۾ سنڌي ادبي سنگت جي سڏ تي تڪراري ڪئنالن خلاف ڳائي وڄائي احتجاج

اديبن، شاعرن، فنڪارن ڳائي وڄائي تڪراري ڪئنالن خلاف احتجاجي مظاهرو ڪيو

سجاول (گلشيرميربحر ) درياء تي ڌاڙو نا منظور، سنڌي ادبي سنگت سجاول پاران سنڌوھ ندي تي 6 ڪينال ڪڍڻ خلاف گيت ڳائي احتجاج ڪيو ويو، شاعر محمد ٻارڻ، عبدسنڌي، نجيب سرويچ، واحدسوزملاح، اڪرم زنگيجو، اسدمهراڻوي، فنڪار ذوالفقار راهي، شادرزاق ميمڻ، رشيدميمڻ ۽ ٻين اڳواڻي ۾ ڪئنال سمورا نامنظور، سنڌوھ تي ڌاڙو نامنظور جا لکيل پمفليٽ ھٿن ۾ کڻي سورج سجاولي پريس آڏو احتجاج ڪيو ان موقعي تي اڳواڻن چيو سنڌو ندي جو پاڻي سنڌ جي 7 ڪروڙ عوام سان گڏوگڏ ايندڙ نسل جي به جياپي جو ذريعو آهي سنڌو درياءَ تي 6 ڪينال ڪڍيا ويا ته سڄي سنڌ جون زمينون بنجر بنجي وينديون ماڻهو جانور جيوت اڃ وگهي مري ويندا، اسان کي سڌو درياء تي 6 ڪينال ڪڍڻ واري سنڌ دشمن منصوبي کي رد ٿا ريون ۽ مطالبو ٿا ڪريون ته ڪينالن جي آرڙ ۾ سنڌين جي نسل ڪشي ڪرڻ بند ڪيو جنهن سان توهان کي تاريخ ڪنهن به معاف نه ڪندي احتجاج ۾ سنڌ جو نالي وارو فنڪار ذوالفقار راهي اي شاه درياء اي سنڌو درياء گيت ڳائي لفظن جي ڀيٽا پيش ڪئي.