پاکستان پیپلزپارٹی بلوچستان, سرفراز بگٹی کا بوجھ اٹھانا بند کردیں۔ میر عارف محمد حسنی

پاکستان پیپلز پارٹی کے مرکزی رہنما سابق صوبائی وزیر میر محمد عارف محمد حسنی نے اپنے ایک جاری کردہ بیان میں کہا ہے کہ پیپلزپارٹی بلوچستان سرفراز بگٹی کا بوجھ اٹھانا بند کردیں۔سرفراز بگٹی کی حکومت کی وجہ سے پیپلزپارٹی کا مورال دن بدن کم اور بدنام ہوتی جارہی ہیں۔سرفراز بگٹی بھڑکیں مارنے کے عیوض اربوں روپے کی کرپشن کررہا ہے ان حالات میں بھی افسران ٹھیکے پر لگائیں جارہے ہیں اور بلوچستان میں کرپشن ہمیشہ سے ہوتی رہی ہے مگر اس حکومت میں جو کرپشن ہورہی ہے وہ تاریخ میں کبھی بھی نہیں ہوئی ہے سرفراز بگٹی کو یہ بھی کمال ہے کہ انتہائی کرپٹ ہونے کے باوجود کرپشن کے خلاف تقریر بھی کرتا ہے اور اخلاقیات کا درس بھی دیتا ہے۔ پیپلزپارٹی میں ابھی بھی اچھے پارلیمنٹرین موجود ہے جن کو وزیر اعلی بنایا جاسکتا ہے تو بہتر ہے کسی اچھے شہرت کے حامل ایم پی اے کو وزیر اعلی بنایا جائیں تاکہ پیپلزپارٹی کا وقار بحال کیا جاسکیں۔ اس ٹائم چیئرمین بلاول بھٹو پیپلزپارٹی کی واحد امید ہے کہ وہ پیپلز پارٹی بلوچستان کو تباہی سے بچائے گے۔