ملير: ميمڻ ڳوٺ ۾ چوري ۽ ڦر جون 3 وارداتون، متاثرن جو احتجاج

ملير(رپورٽ: عبدالرشيد مورجھريو) ميمڻ ڳوٺ ۾ ڦورن رڻ ٻاري ڏنو، هفتي دوران ٻن گهرن ۾ ڌاڙا، پمپ سامهون 2 موٽر سائيڪلون ۽ گهر اڳيان بيٺل نوجوان کان موبائيل فون ۽ روڪ رقم ڦر، واپارين طرفان احتجاج جو چتاءُ، پر امن علائقي کي ڦرلٽ جو ڳڙھ بنايو ويو آهي رات ڏينهن ڦرون معمول بڻيل آهن ۽ پوليس ستي پئي آهي جنهن سبب علائقي واسي م گهرن ۾ به محفوظ ناهن پوليس روايتي خانہ پوري ڪرڻ بدران اثرائتي ڪاروائي ڪري بي صورت ۾ واپارين، وڪيلن ۽ سول سوسائٽي سان گڏجي ڦرلٽ خلاف ڀرپور احتجاج ڪيو ويندو، واپاري سليمان ميمڻ ۽ ٻين جون پريس ڪانفرنس ۾ ڳالهيون تفصيل موجب ملير جي واپاري مرڪزميمڻ ڳوٺ ۾ ڦورن رڻ ٻاري ڏنو آهي هڪ هفتي دروارن ڊاڪٽر عبدالڪريم ميمڻ ۽ ثاقب جان بلوچ جي ڌار ڌار 2 گهرن ۾ 8 کان وڌيڪ هٿيار بندن ڀت ٽپي گهرڀاتي کي يرغمال بڻائي ڪيترائي تولا سونازيور، لکين روپيا روڪ رقم ۽ ٻيو قيمتي سامان کڻي فرار ٿي ويا هئا ۽ ڪالھ پمپ سامهون 2 موٽر سائيڪلن سميت گهر اڳيان ويٺل حاجي اميد علي پاڙي جي رهواسي جان محمد ميمڻ کان هٿياربند موبائيل فون، روڪ رقم ۽ ٻيو قيمتي سامان ڦر ڪري فائرنگ ڪري فرار ٿي ويا جنهن بعد واپاري سليمان ميمڻ ۽ ٻين ميمڻ ڳوٺ ۾ هنگامي پريس ڪانفرنس ڪنڌي چيو آهي ته پر امن ميمڻ ڳوٺ کي ڦرلٽ جو ڳڙھ بڻايو ويو آهي جنهن سبب واپار ڪرڻ مشڪل ۽ ماڻهون گهر ۾ غير محفو بڻجي ويا آهن ڪجھ مهينن کان ڦرون ۽ ڌاڙا ايترا وڌي ويا آهن جو مجبورن پريس ڪانفرنس ڪرڻي پئي آهي هنن چيو ته ڪجهھ ڏينهن اڳ قمر جان بلوچ جي گهران ۽ ان کان اڳ ڊااڪتر عبدالڪريم ميمڻ جي گهر ۾ ڦورن وڏي ڦرلٽ ڪري فرار ٿي ويا هئا ۽ اڃان تائين علائقي ۾ موٽر سائيڪولن ۽ موبائل فون ڦر معمول بڻيل آهي ڪنهن به هنڌ ڪو به محفوظ ناهي رهيو هنن چيو ته پوليس جيڪڏهن پنهنجي تي اچي ته علائقي ۾ هڪ به واردات نه ٿئي پر افسوس پوليس ستي پئي آهي ۽ علائقي واسي غير محفوظ بڻجي ويا آهن هنن آئي جي سنڌ ۽ ايس ايس پي ملير کان مطالبو ڪيو ته اثرائتي ڪاروائي ڪري ڦرلٽ تي ضابطو آندو وڃي ٻي صورت ۾ واپارين، وڪيلن ۽ سول سوسائٽي سان گڏجي ڦرلٽ خلاف ڀرپور احتجاج ڪيو ويندو