ٺٽي ۾ ٿيليسيميا جي مريضن لاءِ رت گڏ ڪرڻ واري ڪيمپ قائم

ٺٽي ۾ ٿيليسيميا جي مريضن لاءِ رت گڏ ڪرڻ واري ڪيمپ قائم

ٺٽو( ڊر) ڪاشف اقبال ٿيليسيميا ڪيئر سينٽر پاران ٿيليسيميا بيماري ۾ مبتلا ٻارڙن جون زندگيون بچائڻ لاء ھڪ روزہ مفت رت جي عطئي جي ڪئمپ SRTC اسٽاپ ٺٽي تي لڳائي ويئي، جنھن ۾ وڏي تعداد ۾ ماڻھن پھچي رت جو عطيو ڏنو، ان موقعي تي چيئرمين اقبال، خالد سليم، شمائلہ خالد، ڊاڪٽر امير علي، سماجي اڳواڻ سيد جاويد شاھ، مراد علي ساٽي، اقبال مغل پاران انتظام سنڀالي رت ڏيندڙن جي سارسنڀال لڌي، ان موقعي تي خالد سليم چيو تہ ھي رت جي ڪئمپ ٿيليسيميا بيماري ۾ ورتل ٻارڙن جون زندگيون بچائڻ لاء لڳائي ويئي اھي، جيئن رت جمع ڪرائي انھن ٻارڙن جون زندگيون. بچائي سگھجن. ھن چيو تہ جنھن انسان ھڪ انساني زندگي بچائي ڄڻ ھن انسانيت کي بچائي ڇڏيو آھي، خالد سليم وڌيڪ چيو تہ رت ڏيئي انساني زندگي بچائڻ وڏي عبادت سان گڏ انسانيت جي وڏي خدمت آھي، جيڪا خدمت ھر انسان کي ڪرڻ گھرجي، ھن چيو تہ ڪاشف اقبال ٿيليسيميا ڪيئر سينٽر وارا ھي بھتر ڪم ڪن پيا، جن کي اسانجي ساٿ جي بہ سخت ضرورت آھي، ھن چيو تہ ھر فرد کي گھرجي تہ ھو ھھڙن ڀلائي وارن ڪمن ۾ ھٿ ونڊائي انساني جانيون بچائين. ھن چيو تہ اسلام ۾ رت ڏيڻ ۽ رت وٺڻ لاء ڪي بہ رشتا يا ڪو مذھب قيد ناھي. اسانکي انساني ناتي انساني زندگيون بچائڻ لاء جدوجھد ڪرڻ گھرجي، جيئن خوشيون ٻيھر موٽي اچن.