شڪارپور: ڳڙهي تيغو ۽ ڪوٽ شاهو جي ڪچي ۾ پوليس جو رينجرز سان گڏ آپريشن جاري

ڌاڙيل ايوب تيغاڻي ڏوھن جي دنيا کي الوداع ڪندي پوليس ۽ قانون لاڳو ڪندڙ ادارن جي اڳيان گوڏا کوڙي ڇڏيا: ايس ايس پي شاهزيب چاچڙ

شڪارپور ( احسان ابڙو ) شڪارپور پوليس ۽ سنڌ رينجرز پاران ڌاڙيلن جي خلاف جاري گڏيل ٽارگيٽڊ آپريشن جي اھم ڪاميابي، ايس ايس پي شاهزيب چاچڙ جو چوڻ هو ته ڌاڙيل ايوب تيغاڻي ڏوھن جي دنيا کي الوداع ڪندي پوليس ۽ قانون لاڳو ڪندڙ ادارن جي اڳيان گوڏا کوڙي ڇڏيا، ايس ايس پي شڪارپور شاهزيب چاچڙ ۽ ونگ ڪمانڊر رينجرز جي اڳواڻيءَ ۾ ڳڙهي تيغو ء ڪوٽ شاھو جي ڪچي واري علائقي ۾ جاري آپريشن دوران، منظم ڌاڙيل گروپن جي ڌرتي تنگ ڪئي وئي آھي.ھٿيار ڦٽا ڪندڙ ڏوھاري ايوب تيغاڻي تي شڪارپور ضلعي جي مختلف ٿاڻن تي 13 ڪيس داخل آھن پيش پيل ڏوھاري سنگين ڪيسن ۾ گهربل هو، جن ۾ دهشتگردي، قتل، قتل جي ڪوشش ڪرڻ، ڀنگ لاءِ اغوا، ڦرلٽ ۽ چوري شامل آهي. ايس ايس پي شاهزيب چاچڙ موجب ڏوھاري ڳڙهي تيغو شهر ۾ شهيد ٿيندڙ آر آر ايف (RRF) جي جوانن تي حملي جي سهولتڪاري ڪرڻ جي ڪيس ۾ به گهربل هو. ايس ايس پي شاهزيب چاچڙ آپريشن ڪمانڊر ايس ايس پي شڪارپور شاهزيب چاچڙ ڏوھارين کي واضح پيغام ڏنو آهي تہ ڏوهن جي دنيا کي ڇڏي پوليس آڏو هٿيار ڦٽا ڪن ۽ بهتر عزت واري زندگي گذارن،پيش پوندڙ ڏوھارين کي قانوني مدد پڻ فراهم ڪئي ويندي.ڪچي جي علائقي کي ڌاڙيلن کان پاڪ ڪرڻ جو آپريشن مڪمل ڪيو ويندو. شڪارپور پوليس ۽ سنڌ رينجرز جي جنگ آخري ڌاڙيل جي خاتمي تائين جاري رهندي.