عوامي پريس ڪلب ملير جو چونڊون، جمشيد زهراڻي صدر چونڊجي ويو

اليڪشن ڪميشن طارق سهتو، اصغر لاشاري، رشيد مورجهريو، ايڊووڪيٽ فاروق ڳورڙجي نگراني ۾ ٿي

ملير (رپورٽ: عبدالرشيد مورجھريو) عوامي پريس ڪلب ملير جو چونڊون، جمشيد زهراڻي صدر، نائب صدر فاروق بنگوار ۽ عنايت شاھ جنرل سيڪريٽري چونڊجي ويا، مسڪين ۽ بي پهچ ماروئڙن جي مسئلن کي اجاگر ڪرڻ واري عوامي پريس ڪلب جي پاليسي کي برقرار رکيو ويندو، صدر عوامي پريس ڪلب ملير جون سال 2025 جون چونڊون، اليڪشن ڪميشن طارق سهتو، اصغر لاشاري، رشيد مورجهريو، ايڊووڪيٽ فاروق ڳورڙجي نگراني ۾ ٿي گذريون، جنهن ۾ صدر جمشيد زهراڻي، نائب صدر فاروق ڀنگوار، جنرل سيڪريٽري سيد عنايت شاهه، جوائنٽ سيڪريٽري غلام علي برفت، خزانچي ڊاڪٽر اصغر ميمن، آفيس سيڪريٽري فيروز ڪيريو ميمبر ايگزيڪيوٽو ڪميٽي سامي ميمڻ، ايم زمان جوکيو ۽ شهنشاهه چارڻ چونڊيا ويا، ان موقعي تي نئين چونڊيل صدر جمشيد زهراڻي خطاب ڪندي چيو ته ڪراچي جي ضلعي ملير ۾ عوامي مسئلن جا انبار، انساني حقن جون ڀڃڪڙيون معمول بڻيل آهن بدامني، ريتي بجري جي چوري، زمينن تي قبضا چوٽ چڙهيل آهن ۽ ذراعت ۽ ماحوليات تباهي ڪنڌي پهتل آهي جڏهن ته ڌارين جي آبادڪاري جي دٻاءُ سبب ملير ۾ سنڌي ماڻهو تيزيءَ سان اقليت ۾ تبديل ٿي رهيا آهن اهڙي خطرناڪ صورتحال ۾ ملير جي سنجيده پڙهيل لکيل ذميوار صحافين جو فرض آهي ته هو لڪل حقيقتون سامهون آڻي عوام کي سجاڳ ڪن ۽ سنڌ سميت ملير جي بقا لاءِ پنهنجو اثرائتو ڪردار ادا ڪن هن چيو ته مسڪين ۽ بي پهچ ماروئڙن جي مسئلن کي اجاگر ڪرڻ واري عوامي پريس ڪلب جي پاليسي کي برقرار رکي ويندي