رياض شاھ شيرازي ۽ فياض شاھ شيرازي حق نٿا ڏين، سندن ڀينرن سنڌ هاءِ ڪورٽ پهچي ويون

اعجاز شاھ شيرازي جون نياڻيون آمنا ۽ ناهيد شيرازي سنڌ هاءِ ڪراچي پهتيون، ڀائرن تي الزام

ڪراچي (اسٽاف رپورٽر) اعجاز شاھ شيرازي جون نياڻيون آمنا ۽ ناهيد شيرازي پنهنجي ڀائرن رياض ۽ فياض شاهه شيرازي خلاف سنڌ هاءِ ڪورٽ پهچي ويون، سندن چوڻ هو ته رياض شاھ شيرازي ۽ فياض شاھ شيرازي حق نٿا ڏين، اسان جا ڀائر اسان جو قانوني حق نٿا ڏين، اسان جي بابا جي ملڪيت جو حصو اسان کي نٿو ڏنو وڃي، بابا جي ملڪيت ۾ اسان نياڻين جو حق آھي، رياض ۽ فياض ٻنھي اسان جي ملڪيت تي قبضو ڪيو آھي. سنڌ هاء ڪورٽ ۾ ڪيس ھلي پيو انصاف کپي، ملڪيت مان حق گهرڻ تي حراسان ڪيو پيو وڃي. عدالت مليت ۽ بينڪ اڪائونٽن جي جائزي لا۽ ناظر مقرر ڪيو هو، جيڪي پيء جا پيسه بينڪ ۾ پيل آهن انهن جي تصديق ٿيڻ باوجود چيو پيو وڃي ته اڪائونٽ خالي آهي. رياض ۽ فياض شاهه شيرازي جي ڀينرن ناهيد ۽ آمنه شيرازي پاران ملڪيت مان حصو نه ڏيڻ خلاف 2023 ۾ سنڌ ها۽ ڪورٽ ۾ درخواست داخل ڪرائي هئي.