نوشهروفيروز ۾ اسڪارپ ايمپلائيز يونين جي سڏ تي انجنيئر خلاف احتجاج

انجنيئر جاويد آفتاب ٽانوري وفد کي موڪلڻ بعد پاڻ به احتجاجي ڪيمپ تي پهتو

نوشهرو فيروز (ڊر) اسڪارپ ايمپلائيز يونين جي سڏ تي ڪرپشن ۾ ملوث انجنيئر جاويد آفتاب ٽانوري جي ڪرپشن خلاف احتجاج، احتجاجي ڪيمپ تي انجنيئر پهچي ويو ڳالهين بعد احتجاج ختم. خبر موجب اسڪارپ ايريگيشن ايمپلائيز يونين ڊويزن نوشهرو فيروز جي ملازمن طرفان مقرر ٿيل ڪرپٽ انجنيئر اسڪارپ جاويد آفتاب ٽانوري خلاف احتجاج جاري رهيو احتجاج جي اڳواڻي اسڪارپ ايمپلائيز يونين جو صدر ساگر يوسف منگي، جنرل سيڪريٽري وقار احمد لاڙڪ، فيڊريشن جي سرپرست اعلا حاجي شعيب احمد بلر، آل سنڌ ايريگيشن ٽريڊ يونين فيڊريشن جي محمد يعقوب وڳڻ، محمد خان مشوري، محبتي ملاح، قاضي اعجاز ۽ ٻيا ڪري رهيا هيا، ان موقعي تي اڳواڻن چيو ته نوشهرو فيروز ۾ ڪرپشن جي بي تاج بادشاهه ۽ نيب زده انجنيئر جاويد آفتاب ٽانوري کي هر دفعي بجيٽ هڙپ ڪرائڻ لاءِ مقرر ڪيو وڃي ٿو، سندس اچڻ شرط اسڪارپ ڪالوني جي لاءِ آيل ڪروڙين روپيا ڪڍرائڻ لاءِ ڪوڙا ووچر ٺهرائي آيل بجيٽ ڪڍي رهيو آھي پمپ اسٽيشنن جي لاءِ آيل 8 ڪروڙ پڻ ڪوڙا ووچر ٺهرايا آھن بدقسمتي اها آھي جو جڏهن به اسڪارپ جي بجيٽ ايندي آھي ته جاويد آفتاب ٽانوري انجنيئر بدلي ڪرائي پمپ اسٽيشنن لاءِ آيل بجيٽ جو صفايو ڪري ڇڏي ٿو، اسڪارپ جي رهائشي ڪالوني جا ڪوارٽر زبون ٿي ويا آھن انھن جي مرمت لاءِ آيل پئسا به ڳڙڪائي ٿو وڃي ته پيئڻ جي صاف پاڻيءَ لاءِ به ڪو پلانٽ ناهي رڳو ڪوڙن ووچرن ۾ بل ٺاهي بجيٽ جي صفائي ٿي رهي آھي. ٻئي طرف ايمپلائيز يونين جي احتجاجي ڪيمپ تي انجنيئر جي طرفان ڳالهين جي لاءِ ايس ڊي او احمد خان ڪاڪيپوٽو، ايس ڊي او مخدوم اياز علي ۽ هيڊ ڪلارڪ فيض محمد عالماڻي پهتا انهن کي يونين اڳواڻن اهو چئي موٽائي ڇڏيو ته اسان انجنيئر خلاف احتجاج ڪري رهيا آھيون ان لاءِ اوهان سان ڳالهيون نه ٿينديو ان بعد وفد واپس ويو ٻيهر انجنيئر جاويد آفتاب ٽانوي پنهنجا آفيسر ساڻ ڪري احتجاجي ڪيمپ تي پهتو کين احتجاج ختم ڪرڻ جي اپيل ڪندي چيو ته اوهان جا مطالبا جائز آھي ڊويزن جي بجيٽ ڊويزن تي خرچ ٿيندي خراب ٿيل ٽيوبيلز ۽ پمپ اسٽيشنن کي فعال ڪبو، هڪ گهر جا ڀاتي آھيو غلطيون انسان کان ئي ٿينديو آھن ان ڪري يونين طرفان پيش ڪيل تسليم ڪيان ٿو ان بعد يونين اڳواڻ احتجاج ختم ڪرڻ جو اعلان ڪيو.